POP 5

Lajmet më të lexuara të 5 minutave të fundit

Sociale

Borxhet, bashkia e Lezhës u fal 30 milionë lekë bizneseve: Gjoba të vendosura nga KLSH para një dekade

Gjobat e vendosura nga Kontrolli i Lartë i Shtetit ndaj disa bizneseve, por edhe ish-punonjësve të administratës, Bashkia e Lezhës nuk ka mundur t’i vjelë për më shumë se një dekade. Në këto kushte vendosi të falë plot 30 milionë lek detyrime të prapambetura, edhe pse hasi në kundërshtinë e të djathtëve në këshillin bashkiak.

Bashkia e Lezhës u ka falur bizneseve rreth 30 milion lek, detyrime financiare të prapambetura prej një dekade. Numri dy i bashkisë, Ermal Pacaj tha se bëhet fjalë për gjoba të vendosura nga Kontrolli i Lartë i Shtetit, të cilat bizneset nuk i kanë shlyer dhe bashkia nuk mundet t’i vlejë, pasi mungon dokumentacioni ligjor për t’i paditur në gjykatë.

“Janë shuma të ngarkuara nga Kontrolli i Lartë i Shetit, pra detyrime nga subjekte dhe biznese, por edhe për ish-punonjës të bashkisë. I përkasin periudhës para vitit 2010. Është parashkruar si detyrim se kanë kaluar 14 vite. Nuk janë falur taksa vendore, por detyrime që ka lënë KLSH për punonjës që kanë marrë paga në mënyrë të paligjshme por dhe disa subjekte të gjobitura pasi nuk kanë kryer punimet sipas ligjit. Bashkia e Lezhës nuk ka dokumentacion që ti çojë në gjyq dhe përmbarim  sepse ka kaluar periudha 10 vjecare, ndaj parashkruhet si detyrim. Pra nuk kemi dokumentacion për t’i çuar në gjyq”, tha Ermal Pacaj, nënkryetar i bashkisë së Lezhës.

Vendimi hasi në kundërshtinë e të djahtëve në këshillin bashkiak të Lezhës. Këshilltarja e Rithemelit, Flutura Gjoni tha se ligji nuk parashikon faljen e detyrimeve financiare.

“Jo detyrimet financiare nuk parashkruhen! Në cilin ligj e mbështesni vendimin? A keni dërguar njoftim zyrtar bizneseve për t’i shlyer detyrimet? Si mund ti falni?!”, u shpreh Gjoni.

Pa dhënë përgjigje për bazën ligjore, me forcën e kartonit vendimi për faljen e detyrimeve të prapambetura u miratua në këshillin bashkiak të Lezhës, me 13 vota të majta pro, 3 kundër dhe 7 këshilltarë abstenuan.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/12/2023 00:59

    Gjakun s'dini e nuk pranoni t'a falni,kurse borxhet i falni! Faljet,apo shtyrjet per gjera te tilla,jane gjeja me e keqe me te cilat jane mesuar shqiptaret.Kjo gje nuk eshte e mire as per ekonomine,as per ata vete,per arsye qe dihen.Do te kishte qene me mire qe borxhet t'i vazhdonit t'i mblidhnit,pak e nga pak e me ngadale,por ama t'i mblidhnit,jo t'i falnit! Tani te gjithe do te mendojne per detyrimet e ardhshme /He mo, se nuk e paguaj,ose paguaj cerekun ose gjysmen,se keta do ma shtyjne detyrimin,ose do ma falin nje dite!/ Kete mendesi doni te krijoni?!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21