POP 5

Lajmet më të lexuara të 5 minutave të fundit

Ekonomi

Borxhet, gjysma e popullsisë
së rritur ka një kredi

Janë rreth 350 mijë shqiptarë apo biznese që kanë një kredi aktive në banka dhe që duhet ta kthejnë atë, që përbën gjysmën e popullsisë aktive të moshës nga 20 deri në 60 vjeç.
TIRANE- Janë rreth 350 mijë shqiptarë apo biznese që kanë një kredi aktive në banka dhe që duhet ta kthejnë atë, që përbën gjysmën e popullsisë aktive të moshës nga 20 deri në 60 vjeç (mbi 60 vjeç bankat në përgjithësi nuk japin kredi).

Në total, në fund të vitit 2011 numërohen 725.265 kredi të raportuara, nga të cilat 349.350 janë kredi aktive, sipas të dhënave nga Regjistri i Kredive në Bankën e Shqipërisë, të cilave u referohet sajti "Monitor". Sipas tij, viti 2011, që shënon dhe vitin e katërt të funksionimit të Regjistrit të Kredive në Bankën e Shqipërisë, u karakterizua nga pasurimi i tij me subjekte të reja dhe ngushtimi i gamës së produkteve të ofruara nga përpunimi i të dhënave të Regjistrit të Kredive.

Me pasurimin e Regjistrit të Kredive me subjekte të tjera financiare të cilat kanë raportuar portofolin e tyre të kredive, edhe në fund të vitit 2011, vërehet një rritje e numrit të kredive të raportuara në sistem.

Mundësinë për të patur një informacion shtesë të menjëhershëm e të besueshëm për klientët, që do të shërbejë në vendimmarrjen për një kredi të caktuar apo të vlerësimit të perfomancës së tyre përgjatë kohëzgjatjes së kredisë, do ta kenë edhe 5 subjekte të tjera financiare. Zgjerimi i Regjistrit të Kredive reflektohet dhe në përdorimin gjithnjë e më shumë të tij nga rapotuesit.
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

Zjarret në Los Angeles, reportazhi i ‘La Repubblica’ nga ferri i Pacific Palisades! Dëme në rrjetin elektrik dhe hidrante jashtë funksionit

11 Janar, 09:31 nga Paolo Mastrolilli