Treguesit e aftësisë ripaguese afatgjatë të borxhit të jashtëm janë përkeqësuar, që prej vitit 2008. Kjo theksohet në raportin “Analizën e Borxhit të jashtëm bruto”, publikuar nga Banka e Shqipërisë. Sipas raportit, stoku i borxhit të jashtëm bruto të Shqipërisë shënoi vlerën totale prej 7.257 milionë eurosh, duke u vlerësuar në rreth 72% ndaj PBB-së nominale dhe duke u rritur me 9.1% në bazë vjetore. Në ndarjen e borxhit të jashtëm bruto sipas sektorëve, qeveria e përgjithshme zë rreth 38.7% ndaj totalit, korporatat depozituese 17.9%, sektorët e tjerë 19.2%, IHD-të 23.2% dhe autoriteti monetar 1.1%.