POP 5

Lajmet më të lexuara të 5 minutave të fundit

Ekonomi

Borxhi i brendshëm, qeveria
hedh sërish në treg letra me vlerë

Në Bankën e Shqipërisë për llogari të ministrisë së Financave u shitën dje 2.5 miliardë lekë obligacione (letra me vlerë) me afat dyvjeçar maturimi dhe interes fiks
Borxhi i brendshëm, qeveria<br />hedh sërish në treg letra me vlerë
TIRANË - Pavarësisht se borxhi i brendshëm ka arritur në shifra shumë të larta dhe këshilla kryesore që dha kreu i Misionit të Fondit Monetar ditën e djeshme në Tiranë ishte ulja e shpejtë e tij, duket se Financat do ta kenë të vështirë të mbyllin shpenzimet e domosdoshme pa iu drejtuar tregut të letrave me vlerë të qeverisë. Ditën e djeshme janë shitur në Bankën e Shqipërisë për llogari të ministrisë së Financave 2.5 miliardë lekë obligacione me afat dyvjeçar maturimi dhe interes fiks.

Nga ana e blerësve ka patur sërish mjaft kërkesë për të blerë këto letra me vlerë, çka ka bërë që interesi i tyre të ulet deri në 4.67 për qind në vit, nga 5.47 për qind në vit që ishte në ankandin e mëparshëm. Ndërkohë, administrata e re financiare ka njoftuar edhe për ditën e martë të javës së ardhshme, datë 24 shtator, një ankand tjetër, për dy lloje të tjera letrash: bono më afat njëvjeçar dhe tremujor maturimi.

Financat parashikojnë të shesin rreth 72 miliionë euro bono, të ndara në 6.7 miliardë lekë bono njëvjeçare dhe 2.3 miliardë lekë bono me afat tremujor maturimi. Në total, të martë do të dalin në shitje 10 miliardë lekë bono. Së bashku me shifrë e realizuar ditën e djeshme, ministria e Financave ka shtuar borxhin e brendshëm me ekuivalentin e rreth 90 milionë eurove.

Shkrimi u publikua sot (20.09.2013) në gazetën Shqiptarja.com (print)

Redaksia Online
(a.ç/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça