POP 5

Lajmet më të lexuara të 5 minutave të fundit

Ekonomi

Borxhi publik shqiptar rritet
me 2.5 milion euro në ditë

Borxhi publik i Shqipërisë ishte 6.2 miliardë euro më 31 mars, njoftoi ministria e Financave. Në 12 muaj ai është rritur më shumë se gjysmë miliardi euro dhe nga janari deri në mars është rritur me ritëm 2.5 milionë euro në ditë.
TIRANE - Është rritur me 2.5 milionë euro në 24 orë mesatarisht borxhi i Shqipërisë gjatë tre muajve të parë të vitit në vazhdim. Sipas Drejtorisë së Menaxhimit të Borxhit në ministrinë e Financave, aktualisht borxhi publik i vendit është gati 860 miliardë lekë, ose 6.2 miliardë euro, me një rritje nga fundi i marsit të një viti më parë në masën 512 milionë euro.

Por, ndërkohë që ritmi mesatar ditor i rritjes së këtij borxhi ka qenë në hapësirën 12-mujore me 1.4 milionë euro në ditë, 90 ditët e para të këtij viti rritja ka qenë edhe më e shpejtë. Ndërkohë, borxhi publik i Shqipërisë ishte rritur mesatarisht një milion euro për çdo ditë të vitit të kaluar, nga janari në dhjetor. Rritja në total ka qenë 9 për qind.

Borxhi i jashtëm është rritur në masën 176 milionë euro në periudhën 31 mars 2012-31 mars 2013. Në lekë shqiptarë, kjo rritje ka qenë 24.7 miliardë, duke shënuar 7.2 për qind shtesë.

Ndërkohë, borxhi i brendshëm ka qenë shumë më aktiv. Në tregun e letrave me vlerë të qeverisë janë siguruar fonde, që kanë kontribuar në rritjen e borxhit të brendshëm me 333 milionë euro gjatë 12 muajve të fundit, ose 46.6 miliardë lekë të reja më shumë se në tremujorin e parë të vitit të kaluar. Rritja ka qenë në nivelin 10.4 për qind në shkallë vjetore.

Sa i përket kostos së këtij borxhi për financat e shtetit, sipas statistikave zyrtare del se janë paguar në tre muajt e parë të këtij viti 11.75 milionë euro principal dhe 6.25 milionë euro interesa, në një total prej 18 milionë eurosh.

Shkrimi u botua sot në gazetën Shqiptarja.com (print) 04.05.2013

Redaksia Online
(b.m/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52