Kolumbia shkatërron Greqinë me rezultatin e thellë 3-0 në ndeshjen e parë në grupin C duke bërë që ë mos ndihet mungesa e sulmuesit Falcao, i cili nuk arriti që të rikuperohej plotësisht për kampionatin botëror që është duke u zhvilluar në Brazil.

Sfida parashikohej e vështirë në letër, por jo në fushë për kolumbianët që arritën t’u shënonin plot tre gola helenëve. Ndeshja nisi mjaft e mirë për ekipin e Kolumbisë që kalon në avantazh në minutën e 5 me Armeron.

Grekët humbin qetësinë pas golit të pësuar duke humbur ekuilibrin në fushë. Ekipi i Santos tenton që të kundërpërgjigjet duke krijuar disa raste për shënim, por mungesa e qetësisë para portës bën që të humbasin mjaft raste për të barazuar rezultatin.

Me këtë rezultat mbyllet edhe pjesa e parë. Në fraksionin e dytë të sfidës, Santos bën disa ndryshime me shpresën se do të barazonte për të marrë të paktën një pikë nga kjo ndeshje, por Gutierrez në të 58’ shënon golin e dytë.

Ndërsa në fund në minutën e 90 mendon Rodrigues për të vulosur rezulatin në 3-0. Kolumbia pas kësaj fitoreje kryeson grupin me 3 pikë, ndërsa ndeshja tjetër mes Bregut të Fildishtë dhe Japonisë luhet nesër në orën 03:00.



Formacionet:

Kolumbia                          Greqia           
David Ospina                     Orestis Karnezis
Cristian Zapata                  Vasilios Torosidis
Mario Yepes                       Konstantinos Manolas
Pablo Armero                    Jose Holebas
Juan Camilo Zuniga          Sokratis Papastathopoulos
Carlos Sanchez                 Konstantinos Katsouranis
Juan Cuadrado                  Panagiotis Kone
James Rodriguez              Dimitrios Salpingidis
Victor Ibarbo                      Ioannis Maniatis
Abel Aguilar                       Theofanis Gekas
Teofilo Gutierrez                Georgios Samaras

Trajnerët:
Jose Pekerman                                 Fernando Santos