Botërori i Katarit, Brazili e Argjentina prekin kualifikimin! 2 'superfuqitë ' e futbollit latin fitojnë dhe vetëm matematika i 'ndalon' festën

Brazili është shumë pranë kualifikimit për në Kupën e Botës “Katar 2022”. Seleçao fitoi 4-1 ndaj Uruguait dhe larg Botërorit e mban vetëm matematika. Triumfoi edhe Argjentina që po ashtu “prek” kualifikimin.

Mungon vetëm matematika por Brazili do të fluturojë për në Botërorin e Katarit të vitit 2022. Seleçao hodhi në tapet Uruguain në ndeshjen e javës së 12-të të kualifikueseve të Amerikës së Jugut duke e mposhtur pastër 4-1. Neymar zhbllokoi rezultatin ndërsa më pas shënoi dy gola Raphinha dhe llogaritë i mbylli Gabriel Barbosa. Brazili e kryeson grupin e Amerikës së Jugut me 31 pikë pas 11 ndeshjeve të luajtura dhe prek kualifikimin për në Botërorin e vitit të ardhshëm.

Fitoi edhe Argjentina. Kombëtarja bardhekaltër mposhti minimalisht Perunë 1-0 me golin e Lautaro Martinez në fundin e pjesës së parë. Vendi i dytë për Argjentinën me 25 pikë 6 më pak se Brazili dhe tetë më shumë se vendi i tretë që mbahet nga Ekuadori. Edhe Argjentina është shumë pranë kualifikimit në Katar ndërsa fitoi edhe Kili ndaj Venezuelës./ Përgatiti Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Varianti afrikan mbërrin në Europë, a duhen ashpërsuar masat anti-Covid edhe në vendin tonë?



×

Lajmi i fundit

John

Ceremonia për 28 Nëntorin, Rama nuk përshëndet kryebashkiakun e Vlorës, Lelin