Botërori 'Katar 2022'/ Mësohen 4 ekipet e kualifikuara nga Amerika Latine, Peruja ende me 'zemër në dorë'

Janë përcaktuar edhe 4 ekipe të tjera të cilat u kualifikuan për Botërorin Katar 2022. Pas sfidave të luajtura sonte në mesnatë, Brazili, Argjentina, Ekuadori dhe Uruguaj kanë prerë zyrtarisht biletat e tyre për fazën më tej.

Brazili i cili udhëheq dhe grupin e Amerikës Latine, fitoi me poker golash përballë Kilit, duke i shuar shpresat këtyre të fundit për një kualifikim të mundshëm. 

Vendi i dytë, Argjentina, do të luajë ndeshjen e saj të rradhës përballë Venezuelës në orën 00:30 të datës 26 mars, megjithatë ekipi i Messit tashmë e ka të siguruar kualifikimin.

Më tej Ekuadori është mposhtur me rezultatin 3-1 nga Paraguaj. Gjithsesi kjo humbje nuk përbën problem pasi janë të kualifikuar më tej në fazen e ardshme për në Botërorin Katar 2022, duke qëndruar në vendin e tretë me 25 pikë. 

E katërta e kualifikuar është Uruguaj, e cila mposhti me rezultat minimal 1-0 Perunë. Uruguaj po ashtu si Ekuadori ka 25 pikë.

Kjo e fundit ndodhet pikërisht në vendin e pestë, i cili  të dërgon në ndeshjen me Play-Off për kualifikim më tej. Kolumbia dhe Kili shpresojnë ende për një kualifikim të mundshëm, duke qenë se janë vetëm përkatësisht 1 dhe 2 pikë larg Perusë, teksa tashmë ka mbetur edhe vetëm nga një ndeshje për t'u luajtur. 

 

G.B./Shqiptarja.com

TAG:
• peru
• ekuador
• Argjentine
• katar 2022
• Brazil