Botërori/ Kualifikimi i Portugalisë në pikëpyetje, Ronaldo do rekordet! Spanja në fije të perit, kundër Greqisë sonte duhet vetëm fitore

Nga sot nisin ndeshjet deçizive të kualifikueseve të Botërorit pasi 180 minutat e fundit të kualifikuesve vendosin fatet e shumë kombëtareve, ashtu siç është edhe Portugalia e Cristiano Ronaldos, që aktualisht renditet në vendin e dytë në grup me 16 pikë, 1 më pak se Serbia kryesuese që ka një ndeshje më shumë. ‘Luzitanët’ në orën 20:45 do të jenë në Dublin për t’u përballur me Irlandën dhe në rast fitoreje do ta presin më qetë ndeshjen e fundit kundër Serbisë. Sytë edhe njëherë do jenë drejtuar nga Cristiano Ronaldo, i cili është dy gola larg rekordit të 800 rrjetave në karrierë.

Mjaft delikate do jetë edhe përballja e Spanjës në grupin B. ‘La Roha’ do përballet sot në Athinë me Greqinë ku opsioni i vetëm është vetë fitorja. Kjo pasi të besuarit e Luis Enrique-s kanë dy pikë më pak se Suedia kryesuese, me të cilën do përballen në ndeshjen e fundit.

Në grupin H Kroacia që renditet e dytë me dy pikë më pak se Rusia udhëton drejt Maltës në një përballje që në letër duket e fituar. Me shumë mundësi skuadra që kualifikohet e para në këtë grup përcaktohet në përballjen e fundit ku Kroacia do të pres në shtëpi Rusinë.

Në fushë sot do të zbresë edhe Gjermania, që ka siguruar kualifikimin dhe pret në shtëpi Litenshtejnin.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himarë/ Mbështetësit e Belerit penguan Këshillin Bashkiak, mbërrin FNSH! Mbledhja do të mbahet me dyer të mbyllura

Himarë/ Mbështetësit e Belerit penguan Këshillin Bashkiak, mbërrin FNSH! Mbledhja do të mbahet me dyer të mbyllura