POP 5

Lajmet më të lexuara të 5 minutave të fundit

Ekonomi

Bozdo: Fond 1 milionë $ për kredi
për bizneset e vogla e të mesme

Nënkryetari i Bashkisë së Tiranës, Eno Bozdo në një dalje për mediat, tha se bashkia do t’i paraqesë sot Këshillit Bashkiak miratimin e një fondi prej 1 milionë dollarësh për kreditimin e bizneseve të vogla dhe të mesme. 
Bozdo: Fond 1 milionë $ për kredi<br />për bizneset e vogla e të mesme
TIRANE - Nënkryetari i Bashkisë së Tiranës, Eno Bozdo në një dalje për mediat, tha se bashkia do t’i paraqesë sot Këshillit Bashkiak miratimin e një fondi prej 1 milionë dollarësh për kreditimin e bizneseve të vogla dhe të mesme. Në fjalën e tij Bozdo tha se ky është fondi më i madh i vendosur nga buxheti i një institucioni në vend për kreditimin e biznesit.
 
“Në vijim të përpjekjeve të Bashkisë për të nxitur punësimin në qytet, Bashkia Tiranës do t`i prezantojë sot Këshillit Bashkiak miratimin e fondit prej afro 1 milion USD, që do të përdoret tërësisht për kreditimin e bizneseve të reja (start up) dhe SME-ve. Përmes këtij fondi, ne synojmë kreditimin e atyre bizneseve të vogla dhe të mesme të cilat nuk gjejnë akses në sistemin bankar, pasi nuk kanë mundësinë e ofrimit të kolateralit. Kjo është shuma më e madhe e vendosur ndonjëherë nga buxheti i një institucioni në Shqipëri, për kreditimin e drejtpërdrejtë të hapjes së biznesve të reja, të vogla dhe të mesme.” tha Bozdo.
 
Më tej Bozdo tha se ky fond do të ndihmojë në rritjen e punësimit dhe sipas tij do t’i vijë në ndihmë të rinjve për të krijuar më tepër mundësi për ta.
 
“Kjo është iniciativa e dytë që ndërmerr Bashkia e Tiranës, në funksion të zhvillimit ekonomik dhe punësimit në qytetin e Tiranës, pas fondit të garancisë prej 1 milion dollarësh i cili po aplikohet me sukses. Me garancinë e këtij  fondi,  të rinj nga mosha 30-35 vjeç kanë marrë kredi, kanë hapur dhe po zhvillojnë bizneset e tyre me sukses në qytetin e Tiranës.” u shpreh nënkryetari Bozdo.

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51