Madje sipas Braçes, janë 4-5 kompani private merrnin 50 % të fitimit për këtë shërbim. Dhe siç nënvizoi ai ky është edhe ndryshimi mes dy qeverive, pasi tashmë të gjitha detyrimet derdhen 100% në arkën e shtetit, ndërsa më parë kompanitë private të Berishës merrnin deri në 50 % të faturave
“Operacioni i mbledhjes së të ardhurave që po kontestohet sot nga opozita, nuk është i pari në këto vite. Të paktën në vitet 2011, 2012 dhe 2013, nën administrimin e kompanisë CEZ, ka qënë Sali Berisha, kryeministër i vendit, ai që ndërtoi një rreth të tërë të mbledhjes së të ardhurave, përmes 4-5 kompanive private dhe jo përmes atyre shtetërore. Dhe nëse sot, çdo gjë derdhet në arkat e kompanisë shtetërore OSHEE, për ta shëndoshur atë, atëhere të ardhurat derdheshin në arkat e kompanive private të Sali Berishës”, theksoi Braçe, ndërsa diskutohej marrëveshja për financimin e projektit për rimëkëmbjen e sektorit të energjisë elektrike.
Duke përshëndetur marrëveshjen me IBRD, Braçe u shpreh se ishte e nevojshme pasi ka të bëjë drejtpërdrejt me furnizimin me energji gjatë dimrit dhe synon të përmirësojë infrastrukturën e shpërndarjes në sistem
“Kemi trashëguar një sistem të degraduar. Në disa zona nuk është investuar që nga koha e elektrifikimit e Shqipërisë, Kjo marrëveshje shkon në përmbushje të të gjitha angazhimeve tona për sistemin energjetik. Është një situatë që mund të kolapsonte deri në mospasje të energjisë elektrike vitin tjetër”- u shpreh Braçe.
Më tej Braçe i bëri apel OSHEE-së që të marrë parasysh ankesat e qytetarëve për faturat e pamatura.
Redaksia Online
(e.c/shqiptarja.com)