POP 5

Lajmet më të lexuara të 5 minutave të fundit

Politikë

Përgjimi i Agron Xhafajt, Erion Braçe: Inskenim! Berisha në krye të mafies që sulmon ministrin

Duke komentuar akuzat e opozitës në adresë të ministrit të Brendshëm, Braçe tha se Xhafaj s'mban përgjegjësi nëse dikush në fisin e tij s'respekton ligjin. Ai theksoi se Xhafaj po sulmohet nga mafia duke etiketuar politikanë, gjyqtarë e prokurorë.

Deputeti socialist, Erion Braçe mohon që ai dhe Taulant Balla të kenë takuar ministrin e Brendshëm, Fatmir Xhafaj mesditën e kësaj të marte, ndryshe nga sa u raportua fillimisht, pasi dy deputetët u filmuan pranë ambienteve të Ministrisë.

I ftuar në "45 minuta" në Report Tv, Braçe tha se Xhafaj ka të gjithë mbështetjen e socialistëve dhe nuk ka nevojë sipas tij, për takime në zyrë, ndërsa sqaron se me Ballën kanë inspektuar punimet në shesh.

Deputeti socialist akuzon ish-kryeministrin Sali Berisha se është ai i cili ka orkestruar sulmet e ditëve të fundit ndaj ministrit të Brendshëm në bashkëpunim me Gjykatat dhe Prokurorinë, për të rrëzuar Reformën në Drejtësi. Videopërgjimi i Agron Xhafajt, sipas Braçes është inskenim, ndërsa kërkoi nga Prokuroria hetim të thelluar për këtë çështje dhe nxjerrjen e të vërtetës.

"Me Xhafën bisedova në telefon një ditë më parë"
I vetmi komunikim me Xhafajn, tha Braçe ka qenë përmes telefonit një ditë më parë, kur PD publikoi videopërgjimin e pretenduar të Agron Xhafajt, vëllait të ministrit, me një trafikant droge. 

Unë nuk kam pasur asnjë takim me z.Xhafaj. Kam qenë me Taulant Ballën në Bulevard, po kontrollonim punimet në shesh dhe te Ministria e Transporteve kemi marrë makinën e jemi larguar. Z.Xhafaj nuk e kam takuar as sot dhe as dje. Dje kam komunikuar në telefon me të dhe e kam pyetur për shëndetin. Nuk ka nevoja që të takoj Xhafën, sepse ai ka të gjithë mbështetjen e PS. 

Erion Braçe, deputet i PS

"Xhafaj po sulmohet nga mafia e politikanëve, e kryeson Berisha"
Duke komentuar akuzat e opozitës në adresë të ministrit të Brendshëm, Braçe tha se Fatmir Xhafaj nuk mban përgjegjësi nëse dikush në fisin e tij nuk respekton ligjin. Ai theksoi se Xhafaj po sulmohet nga mafia duke etiketuar si të tillë politikanë, gjyqtarë dhe prokurorët e korruptuar të cilët po i pret Vettingu.

Në krye të këtij sulmi tha, Braçe, është ish-kryeministri Sali Berisha.

Nëse ti e respekton ligjin, por s'e respektojnë disa në fisin tënd kjo është banale, si në kohën e Enver Hoxhës kur sajoheshin prova. Xhafaj duke qenë njeri i ligjit po sulmohet drejtpërdrejt nga mafia. Mafia kështu sulmon. Kush është mafia në këtë rast? Është amalgamë shumë e qartë për mua, s'e di për prokurorinë, është një grusht politikanësh të korruptuar në bashkëpunim të qartë dhe kësaj radhe është evidente me gjykatës dhe prokurorrë të korruptuar që janë nën rrezikun e reformës në drejtësi dhe kriminelë ordinerë.

Këta po bashkëpunojnë në mënyrë të qartë. Synojmë të rrëzojnë legjitimitetin e Reformës në Drejtësi. Po rrëzohet pushteti real i mafies që për 8 vite në këtë vend ka vrarë, trafikuar jo hashash, por ky i fundit i Arbri-Garden është i fundit, por janë disa episode ku janë trafikuar drogat më të forta. Kjo mafie nuk ka vetëm ngjyrë, por ka edhe emra. Beteja me mafien është e një maxhorance të tërë.

Në krye të këtij sulmi është Sali Berisha me të gjithë onturazhin e tij. Është sulm i drejtuar direkt nga Sali Berisha dhe është sulm i qartë mafioz, kriminale mbi Reformën në Drejtësi. Arsyeja? Humbja e pushtetit real që ka pasur. Po të dojë Sali Berisha ia provoj edhe në sy.

 Erion Braçe, deputet i PS

"Videopërgjimi inskenim, Prokuroria ta hetojë"
Sa i takon videopërgjimit të Agron Xhafajt, Braçe tha se Prokuroria duhet të hetojë vërtetësinë e atij materiali të publikuar një ditë më parë nga Partia Demokratike.

Për mua është auto-audio inskenim. Kërkoj prezumimin e pafajësisë dhe e dyta që është akoma më e rëndësishme, hetimin e plotë dhe kompleks të gjithë episodin që bëhet fjalë për atë audio-inskenim. I bëj thirrje edhe PD që të respektojnë Kushtetutën e vendit, të presin Prokurorinë e cila po kryen hetim të plotë të të gjithë kësaj ngjarje. 

Erion Braçe, deputet i PS

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Donela: 16/05/2018 15:55

    Te lumte goja,i ke rene pikes sakte dhe troc,bravo Erjon.

    Përgjigju
  • Elton: 15/05/2018 23:44

    Edhe sa kohe do te degjojme kete refren, berisha berisha berisha po pse kujtoni se i ha populli keto pp sjemi dele o erjon...po aty e keni berishen pse nuk nxoret nje fakt nje prove pse nuk e cuat njehere ne prokurori per sa e sa mekate i ka bere ketij populli ai...kjo eshte e papranueshme me...boll me ju jeni njesoj si ai njesoj njesoj vec o hidhni popullit genjeshtra dhe ne fund fajin e ka berisha...kjo eshte turp dhe ju jeni njesoj si ai ndaj mbajeni fort njeri tjetrin

    Përgjigju
  • TA RRAS LALA: 15/05/2018 18:20

    Erjon Braçe bravo të qoft të ishin dhe nja dy të tjer si ty salheu është krye krimineli i SHQIPRIS ky njeri do ti bëj gropën Shqipris ky dhe familja e tij jan hajdut vrasës e kriminel ordiner nga më të ndyrët . Ka ardhur dita që këta të japin llogari për të gjitha të zezat që i kan bër Shqipris .

    Përgjigju
  • Roza: 15/05/2018 17:34

    Te lumte Erion, je i drejte dhe shume I skate, ke vene pika mbi I.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56