POP 5

Lajmet më të lexuara të 5 minutave të fundit

Politikë

Braçe: Nuk jam politikan i shitur tek Berisha dhe që tradhton nga dera e shtëpisë në derë të partisë

Opozitën e Erion Braçes ka pasur nga ata që e kanë interpretuar si “tradhti” e “i shitur” te Sali Berisha, kundërshtari i tij i përhershëm politik. E i gjendur përballë kësaj akuze, Braçe nuk ka heshtur, por ka ngritur zërin duke thënë se kjo është një e pavërtetë e madhe, po aq sa akuza tjetër se ka tradhtuar qytetarët e Divjakës.

Braçe: Nuk jam politikan i shitur tek Berisha dhe që tradhton nga dera e shtëpisë në derë të partisë

Deputeti i PS-së, Erion Braçe

TIRANË- Opozitën e Erion Braçes ka pasur nga ata që e kanë interpretuar si “tradhti” e “i shitur” te Sali Berisha, kundërshtari i tij i përhershëm politik. E i gjendur përballë kësaj akuze, Braçe nuk ka heshtur, por ka ngritur zërin duke thënë se kjo është një e pavërtetë e madhe, po aq sa akuza tjetër se ka tradhtuar qytetarët e Divjakës.

Braçe ka zgjedhur që të postojë një foto të fillimeve të tij në politik dhe përfshirjes në Partinë Socialiste, ku thekson se ai nuk ka qenë e nuk do të jetë kurrë modeli i politikanit që shitet.

“Rrënjët! Poliçan| qershor 1997, 25 vite më parë, në zemër të zonës së parë elektorale! Djali në krahët e Fatos Nanos është Arbri, Arber Daja-djali i një super socialisti nga Poliçani; Djali në krahun tim është po Arbri, rritur e bërë një djalë edhe më i mirë! 10 ditët e fundit kanë qenë shumë të vështira, mbushur me mllef, urrejtje, poshtërsi, ligësi, tradhti, shpifje, gënjeshtra, llum, gjak. Por të mjaftueshme për të ndalur një moment, pare se ku je, ku jam në fakt, mes kaosit krijuar nga gjithë sa më sipër, informuar, kuptuar, menduar, analizuar;

Arbri erdhi si një shenjë të mërkurën, shenje për të gjithën, kaluar deri tani, edhe për të ardhmen; Një gjë dua ta them sot: Sa mirë kush ka rrënjë, Sa mirë që kam rrënjë! E dini c’kanë thënë gjatë kësaj jave? Erion Brace kundër popullit të Divjakes-njëherë, Erion Brace me Berishën-në vijim; dy anët, ekstremet e shëmtuara të një të pavërtete!

E bënë edhe ne Mars, pak kilometra me tutje, në Lushnje, në zgjedhjet e pjesshme vendore: na ka shit Erion Brace; u zhytën në llum të premte e te shtunën para zgjedhjeve, lanë nam të dielen dhe erdhën më përqafuan të hënën- kur pjesëmarrja në zonën time të punës ishe 40%-10 pikë përqindje mbi mesataren e Lushnjes, votat për PS arritën në 67%-9 pikë përqindje mbi mesataren e Lushnjes dhe mbi te gjitha të pastra, të pastra!

Një politikan që shet e blen, tradhton nga dera e shtëpisë në derë të partisë-një derë më e madhe se një shtëpi kjo, nuk jam unë, nuk është modeli im; modeli i një njeriu pa nder e dinjitet, respekt, pa rrënjë, nuk jam unë, nuk mund të jetë modeli im! Ky model ka përmbytur politikën duke e zhbërë nga një sherbim publik, larg njerëzve e pa asnjë lidhje me ta! Kur nisi, në Polican, tek rrënjët, nuk nisi kështu, të paktën për mua! Nuk do të jetë kështu, gjithnjë për mua. Faleminderit Arbër”, shkruan Braçe.

Kujtojmë që Braçe është një nga zërat më opozitar brenda vet qeverisë, i cili herë pas here ka ngritur zërin kundër atyre vendimeve që ai i ka konsideruar të gabuara, e më së shumti në mbështetje të fermerëve.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/11/2022 01:23

    I shitur tek Berisha nuk je,por dhe i vleresuar te partia jote,nuk je gjithashtu.Mjafton te shohesh si te ka trajtuar Rama,si Enveri,Pilo Peristerin dikur.Ne te vertete, kryepolitikanet e te gjitha ngjyrave e kraheve,preferojne te rrethohen me YES-MEN,ose me papagaj pa tru.Shembuj kemi plot.Ata qe jane me te vertete te vlefshem,ose te rrezikshem per pushtetin e tyre,ose eliminohen,ose largohen e anashkalohen,ose nuk merren seriozisht.Ne te njohim o z.Brace kush je e cfare perfaqeson,por per fat te keq je //nje ze i vetmuar qe therret ne shkretetire//,ne /shkretetiren politike/ dua te them.

    Përgjigju
  • LORA: 21/11/2022 00:04

    Respekt Erion djali. Je socialist llagar ne syrin dhe vleresimin publik. Te uroj shendet.

    Përgjigju
  • Gripi: 20/11/2022 21:24

    Erioni eshte i vetmi socialist i mbetur ne politiken shqiptare.

    Përgjigju
    • joni: 20/11/2022 23:46

      socialstet nuk jane ndonje rrace e mire. jane thjeshte komuniste te qelbur qe kane perqafuar kapitalizmin ne pamundesi per ti shkelur njerezit me kembe si vellezrit e tyr me te kuq

  • Lym kepi: 20/11/2022 18:28

    I keni harru njerezit keni nga 2015 qe jeni largu jazek

    Përgjigju
  • Lushi.: 20/11/2022 14:33

    Politikan i paster Erioni.Bravooo

    Përgjigju
  • Blenard: 20/11/2022 13:47

    Po ta jepte dhe ty pjesen e majme rama do rrije si qengj!

    Përgjigju
    • Sic ja ka dhene Lali Erit: 20/11/2022 17:32

      Sic ja ka dhene Lali Erit

    • Arben: 20/11/2022 16:21

      Nuk eshte nga ata Erioni, më beso. Jo te gjithe joshen nga paraja.

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

26 Dhjetor, 22:18