Braçe: PD nxjerr në televizon fytyra të fryra herë nga rakia e herë nga botoksi

Braçe: PD nxjerr në televizon fytyra të fryra herë nga rakia e herë nga botoksi

Zëvendëskryeministri Erjon Braçe vijon të bëjë thirrje për pjesmarrje në zgjedhjet e 30 qershorit.

Përmes një statusi në rrjetin e tij Instagram, ai ka akuzuar opozitën duke thënë se çdo veprim i tyre është me qëllimin që qytetarët të mos votojnë në 30 qershor.

"Dhuna barbare shpërthyer prej tre muajsh, me benzinë e zjarr, kudo, e bëjnë që ti të trembesh e të mos votosh! Prej 10 ditësh kanë nxjerrë nëpër tv figura herë të fryra nga rakia, herë nga botoksi e herën e fundit nga urrejtja."- shkruan Braçe.

Statusi i plotë:

Beteja për të votuar. Ku ndodh kjo?

Kam qysh në vitin 1996 në zgjedhje;
Beteja për të votuar merr kohën më të madhe në çdo palë zgjedhje;
E ka emrin në liste apo jo, e ka në qendrën e tij të votimit apo e çuan kund tjetër, po familja a e ka emrin në lista, është në një listë apo në disa, ka certifikatë dhe a lejohet për të votuar, e bëri gishtin me bojë apo boja del, i vajti kush në shtepi me lekë apo jo, ai drejtori po bredh fshat më fshat me çantë me lekë natën dhe duhet ta zemë, i kaloi në provim ai drejtori tjetër djalin e vajzën e atij, a ja ndryshoi votën, ja dha tapinë e tokës dhe e bëri për vete, se le të votoj dhe e ka mbyllur në shtëpi, e rrahu dhe se la të votonte kund, e nxorri fletën e votimit jashtë qendrës së votimit dhe a nisi karruseli manipulues apo jo, ka dalë Xhiku prej burgu dhe me makinn e policise e kanë sjellë në lagje të votojë e bëjë vota për një leje burgu, e lexoi mirë fletën e votimit apo jo, e numëroi se në monitor s'u duk etj etj.

I njëjti film!
E njëjta histori! Pushtet pa vota është qëllim.
Kanë që nga 1 janari që po bëjne betejën e jetës për të mos lejuar ty-njeriun e zakonshëm të votosh!

Nga fillimi në fund duan veç kaq, të ndalojnë të votosh.
E nisën me datën, e caktuan në mes të verës-të nxehtit dhe plazhit, e bënë që ti të mos votosh, në mes të fushatës në bujqësi, e bënë që ti të mos votosh, në mes të sezonit edhe të punës sezonale rreth e rrotull nesh, e bënë që ti të mos votosh!

Por kaq, sërish nuk është gjë para tjetrës;

Dhuna barbare shpërthyer prej tre muajsh, me benzinë e zjarr, kudo, e bëjnë që ti të trembesh e të mos votosh!
Prej 10 ditësh kanë nxjerrë nëpër tv figura herë të fryra nga rakia, herë nga botoksi e herën e fundit nga urrejtja; Bëjnë si mendjemadhë, të pavarur, bashkohen si pjeshka hormonale metoo me njëri tjetrin dhe dhunojnë ekran më ekran, e bëjnë që ti të mos votosh!

Shihni edhe një herë, një nga një!
Kujtohu, mendo se si i njeh, si i ke takuar herën e parë, shihi sot e krahasoji, shquaj ndryshimin, fizik, moral e pasuror, kthehu tek familja jote e shih një për një jo vetëm njerezit e tu por gjithë ç'ke bërë me nder e djersë!
Ndaj ti jepi fund. Voto në 30 qershor. Ty dhe votën tënde presin!

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • www.youngtribune.com: 26/06/2019 13:00

    Do votojne ato qe duan Ato qe nuk duan te pyesin Lulzim Bashen

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Autoriteti Palestinez formon kabinetin e ri

Autoriteti Palestinez formon kabinetin e ri