TIRANE – Deputeti socialist Erjon Braçe i ka kërkuar sot kryetares së Parlamentit, Jozefina Topalli, që të tregojë temën e diplomës me të cilën mbrojti titullin Doktore e Shkencave.

“Përse Jozefina Topalli nuk na tregon temën e doktoraturës së saj?”, pyeste Braçe sot në faqen e tij në Facebook. Sipas tij, “askush nuk flet” për këtë temë. Deputeti socialist i kërkoi kryetares së Kuvendit që të ofrojë informacione se “kur e përmbushi programin e doktoraturës”.

Ja çfarë shkruante Braçe në faqen e tij në Facebook:


JOZEFINA TOPALLI KA NISUR TE NENSHKRUAJ SI "DR. JOZEFINA TOPALLI"!

Kryetarja e Kuvendit te Shqiperise duhet te kete mbrojtur dhe marre titullin "Doktore e Shkencave"!!!

Po po, duhet te jete e vertete!

Nuk keni degjuar per kete? Epo ky eshte problemi. Askush nuk flet, madje askush nuk jep informacion mbi laureimin e saj.

MADJE AS VETE JOZEFINA TOPALLI NUK FLET PER KETE!

Te marresh titullin "Doktor i Shkencave" natyrisht qe nje moment i rendesishem por edhe krenari per vete te titulluarin. Domethene ne kete rast per Jozefina Topallin. Por ajo nuk flet per kete! Perse?

Perse Jozefina Topalli nuk na tregon temen e doktoratures se saj? Po permbajtjen e temes qe e beri "Doktore te Shkencave" perse nuk e boton?

Ne kemi lexuar prej saj edhe budallalleqe, perse te mos lexojme temen qe e beri "Doktore"?

MBI TE GJITHA, NA INTERESON SHUME TE DIME SE KUR E PERMBUSHI PROGRAMIN E DOKTORATURES JOZEFINA TOPALLI! GJITHNJE SIPAS LIGJIT!

(im/shqiptarja.com)