Braktisi foshnjën e porsalindur në bodrum, dëshmia e nënës në polici: E fsheha shtatzaninë, kisha frikë nga opinioni sepse nuk jam e martuar

Report Tv mëson se nëna e foshnjës së braktisur fillimisht ka mohuar që të jetë ajo nëna e fëmijës, teksa efektivët e kanë shoqëruar në komisariat. Ajo gjithashtu ka mohuar të ketë qenë në dijeni të ngjarjes. Verifikimi i telefonave celularë më pas ka vertetuar dyshimet e efektivëve.

30 vjeçarja rezulton që është e pamartuar dhe nuk ka fëmijë të tjerë. Ajo ka deklaruar se arsyeja që e ka fshehur shtatzëninë e saj dhe ka braktisur bebin ka qenë për shkak se nuk ka dashur që të merret vesh nga familjarët e saj por edhe opinioni, pasi nuk është e martuar.

Grupi hetimor ka pasur dyshime se 30-vjeçarja e ka lindur foshnjën e vetme në garazhin e pallatit ku dhe më pas e ka braktisur dhe është kthyer në banesë. Vajza nuk ka folur fare për babain e fëmijës, por ka kërkuar të mos identifikohet dhe më pas është transportuar për në spital.

Lajmi kryesor:

Ndërron jetë foshnja e braktisur në bodrumin e pallatit, ndalohet nëna 30 vjeçare! Dëshmia në polici: E fsheha shtatzaninë se jam e pamartuar

B.V/Shqiptarja.com

TAG:
• foshnje e braktisur
• Yzberisht
• Tirane