Shefi i Urgjencës Kombëtare, Skënder Brataj tha se spitalet rajonale do të hapen kur të jenë drejt ezaurimit kapacitetet e spitalit COVID 4.
Në një intervistë për Report Tv, ai thotë se në varësi të situatës do të merren të gjithë masat e nevojshme për parandalimin e përhapjes së infeksionit.
"Vetëm në 24 orët e fundit kemi pasur 129 thirrje. Numri i të infektuarve është mbi 32 mijë ndërsa i atyre aktivë është afërsisht 18 mijë. Kohët e fundit u hap reparti i tretë i COVID 3 ndërsa mbrëmë u hap dhe COVID 4. Ka një kapacitet prej 100 shtretër që në ditët në vijim do të shtohen dhe 50 të tjerë. Do të aktivizohen spitalet rajonalë përpara se të ezaurohet COVID 4. Kemi plotësuar kapacitetet spitalore. Shumë herë keqinterpretohen thëniet tona. Ne nuk do shkojmë në hotele dhe stadiume. Pacientit do t'i shërbehet kudo në varësi të situatës. Kemi dhe një moment që do të bllokohet infeksioni me alternimin e mësimit si dhe me pjesën e pushimeve dimërore. Nëse do ezaurohen kapacitetet. Çfarëdolloj skenari të vijë, ne do i trajtojmë si të kemi mundësi. Askujt nuk do t'i mungojë trajtimi" - tha Brataj.
Teksa shumë aktorë politikë apo qytetarë shprehin se shkollat duhen mbyllur, Brataj thotë se kjo masë duhet shoqëruar me një izolim të vendit.
Ai argumentoi se nëse fëmijët nuk shkojnë në shkolla, ata do të dalin jashtë, një masë e cila nuk do të ndihmonte në ndalimin e përhapjes së infeksionit.
"Është thënë disa herë që masat fillojnë nga ato më të lehta deri tek më të ashpra. A funksionojnë këto masa? Ashpërsimi i tyre do të ishte më efektiv për ndalimin e virusit. Por nëse do të mbyllim shkollat, atëherë fëmijët do të dalin jashtë nëpër lulishte. Nëse do të kemi një izolim total do frenohej përhapja e virusit. Ndaj nuk e mbyll mundësinë e infeksionit. Mendoj se me ardhjen e festave të fundvitit, njëfarë mase do kontrollojë infeksionin" - tha Brataj.
Ndërsa për mbylljen e disa aktiviteteve të cilësuara si vatra infeksioni, Brataj u shpreh se të gjitha këto aktivitete janë të ndërlidhura me njëra-tjetrën, dhe mbyllja e njërës prej tyre do të sillte vështirësi në funksionimin e tjetrës.
"Janë shumë faktorë që ndikojnë. Kanë qenë shpjeguar se aktivitetet esenciale nuk mund t'i ndërpresësh dot për shkak se janë të ndërthurura me njëra -tjetrën. Nëse do mbyllësh njërën pjesë atëherë duhet t'i mbyllësh të gjitha por kjo do të sjellë ndikim shumë të madh negativ. Virusi nuk ka ndryshuar virulencën, e cila na jep avantazhin për trajtimin e saj me antibiotikët dhe medikamentët që kemi tani. Për fillimin e kortizonit duhet një konsultim pasi marrja e medikamente pa përshkrimin e mjekëve do të ulte dhe imunitetin e trupit" - tha Brataj.
Në një tjetër intervistë për Report Tv, pedagogia Nora Malaj u shpreh se do të ishte më mirë që shkollat të mbyllen nga klasa e parë deri në klasën e 9-të deri në fund të vitit për të parandaluar përhapjen e virusit.
Komente
Lajme të tjera
-
Ministrja Koçiu nga Vlora: Për herë të parë, flota me motoambulanca gjatë sezonit veror
18 Maj, 11:31 -
Fruthi, Brataj: E nevojshme vaksina, përhapet shumë shpejt! Virozat dhe gripi? Drejtohuni te mjeku i familjes
25 Janar, 14:05 -
Këtë verë 30 mijë thirrje në urgjencën e Tiranës, Brataj për Report Tv: Shumica, nga vala e të nxehtit
3 Gusht 2023, 19:26 -
Speciale/ Tragjeditë e paralajmëruara në plazhet pa vrojtues, 5 jetë të humbura gjatë korrikut! Brataj: Çudi shqiptare
16 Korrik 2023, 18:04
-
Skënder Brataj: Ja çfarë duhet të evitoni për t’i shpëtuar temperaturave të larta dhe kush është më i rrezikuar...
13 Korrik 2023, 14:16 -
‘Dita e urgjencës’, mjekët tregojnë si jepet ndihma e parë: Shpëton jetë! 8-vjeçarja që ka ëndërr të bëhet doktoreshë
27 Maj 2023, 15:09
-
Dollenberg: 5 mijë bluza të bardha u larguan nga Shqipëria në 10 vite! Brataj: Të trajtohen me dinjitet! Sistemit shëndetësor i mungojnë mjekët e familjes
31 Mars 2023, 17:52
-
Zgjerohet flota e autoambulancave, Rama: Nga grumbull ‘karrocash’ teneqeje dhe telefonash që nuk përgjigjeshin, Urgjenca Kombëtare kthehet në repart ekselence
1 Shkurt 2023, 14:42 -
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Fluksi në spitale, Brataj: Është sezoni i gripit! Mos vraponi te mjeku në 2-3 ditët e para! Prindërit të mbajnë maska për të ruajtur fëmijët
5 Janar 2023, 12:30 -
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40
Pse genjeni?? Infektivi ne Durres eshte hapur ka 1 jave me te semure me Covid-19.
Përgjigju