Kishte ëndërruar gjithmonë të shkonte në altar me helikopter, dhe kjo ëndërr u bë makthi i saj.

Ngjarja tragjike i ka ndodhur 32 vjeçares, Rosemere do Nascimento Silva, nga Brazili cila është rrëzuar me helikopter në ditën e saj të dasmës.

Nusja e re kishte planifikuar gjithçka për t’i bërë surprizë bashkëshortit të saj dhe 300 të ftuarve në dasmë, por helikopteri u rrëzua. Rosemere vdiq së bashku me vëllain e saj, një fotografe shtatzënë 6 muajshe dhe piloti.

Ata u rrëzuan rreth 1 milje larg destinacionit, ndërkohë që dhëndri 32 vjeç, nuk kishte asnjë ide për planet ë të fejuarës së tij dhe e priste më kot në altar.

Aksidenti ndodhi në Dhjetor 2016 por video është bërë publike këto ditë pasi njëri nga vëllezërit e nuses e ka gjetur atë kur ka kërkuar për sendet personale të motrës dhe vëllait të tij. Gjithashtu video është në dorën e ekspertëve të cilët po mundohen të hedhin dritë mbi shkaqet e aksidentit.

Redaksia Online
J.Sh Shqiptarja.com