Brazili regjistron temperaturën më të lartë ndonjëherë, shkak fenomeni El Nino

Brazili regjistron temperaturën më të lartë ndonjëherë, shkak fenomeni El Nino

Njerëzit në Brazil duke bërë plazh teksa temperatura shënon 44.8 gradë Celsius, 20 Nëntor

Brazili ka regjistruar temperaturën më të lartë ndonjëherë duke shënuar 44.8 gradë Celsius, ndërsa disa pjesë të vendit po përballen me një valë mbytëse të të nxehtit.

Rekordi u shënua të dielën në qytetin Araçuaí, në shtetin juglindor të Brazilit Minas Gerais, thanë zyrtarët. Nxehtësia e paprecedentë i është atribuar fenomenit El Niño dhe ndryshimeve klimatike. Parashikuesit kanë thënë se një pjesë e nxehtësisë ka të ngjarë të lehtësohet këtë javë.

Zyrtarët nga Instituti Kombëtar i Meteorologjisë (Inmet) thanë se vetëm tre kryeqytete shtetërore do të shihnin temperatura që i afrohen 40 gradë Celsius, raporton BBC

Vapa ka shkaktuar alarme të kuqe në të gjithë vendin. Konsumi i energjisë në Brazil është rritur në nivele rekord pasi njerëzit përpiqen të qëndrojnë freskët.

Moti bëri që Taylor Swift të anulonte një nga koncertet e saj në Rio de Zhaneiro pasi një fanse u sëmur dhe vdiq para një shfaqjeje të premten. Sipas organizatorëve, 23-vjeçarja Ana Clara Benevides Machado kishte kërkuar ndihmë në stadium pasi nuk ishte ndjerë mirë. Ajo u transferua në spital, por vdiq një orë më vonë.

Hulumtimi zyrtar i publikuar dy javë më parë tregoi se temperatura mesatare në vend kishte qenë mbi mesataren historike nga korriku deri në tetor. Moti ekstrem po bëhet më i shpeshtë dhe më intensiv në shumë vende të botës për shkak të ndryshimeve klimatike.

Sipas shkencëtarëve, valët e të nxehtit po bëhen më të gjata dhe më intensive në shumë vende dhe kjo pritet të vazhdojë ndërkohë që njerëzit vazhdojnë të lëshojnë gazra serë që ngrohin planetin. Ndërkohë, Toka është aktualisht në një fazë moti El Niño, gjatë së cilës temperaturat globale zakonisht rriten.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Lufta në Ukrainë/ Zelensky: Lojërat politike të aleatëve kufizojnë mbrojtjen tonë dhe shkaktojnë viktima

Lufta në Ukrainë/ Zelensky: Lojërat politike të aleatëve kufizojnë mbrojtjen tonë dhe shkaktojnë viktima