Brexit, Mbretëria e Bashkuar ndan 3.3 milion paund për britanikët në Europë. Franca teston kufirin inteligjent në Calaise

Ndërsa 31 tetori po afrohet, Mbretëria e Bashkuar ka vendosur të ndajë tre milion paund për të mbështetur qytetarët britanikë që jetojnë në Bashkimin Evropian, të cilët do të përballen që tani me pasojat e Brexit.

Por palët e interesuara nuk duket të jenë plotësisht entuziaste.

"Mbretëria e Bashkuar do të largohet nga Bashkimi Europian në 31 tetor dhe ne duam të ndihmojmë qytetarët britanikë që jetojnë në kontinent, për të qënë të përgatitur mirë për Brexit, pavarësisht nga rrethanat”, - tha Ministri i Jashtëm Dominic Raab.

Më shumë se një milion subjekte britanike operojnë në shtetet e Bashkimit Europian apo dhe në Shoqatës Europiane të Tregtisë së Lirë, e cila përfshin Islandën, Lihtenshtajnin, Norvegjinë dhe Zvicrën. 

Jane Golding, zëdhënëse e grupit "Britanikët në Evropë",  tha se ‘i mirëpret pa entuziazëm qëllimet e mira të qeverisë britanike’.

"1.3 milion qytetarët britanik në operojnë në Europë, kanë nevojë dhe meritojnë mbështetje për praktikat që do të ndiqen pas Brexit. Ne presim detaje të mëtejshme sa më shpejt të jetë e mundur".

Të shqetësuar nga efektet e menjëhershme që mund të ketë Brexit 

Edhe në Britani, gjithnjë e më shumë njerëz, të shqetësuar nga efektet e menjëhershme që mund të ketë Brexit, kanë vendosur të furnizohem me tepëri me ushqime dhe ilaçe dhe ti rezervojnë për ‘ditë të këqija’. 

Shqetësimi i qytetarëve britanik është mëse i përligjur po të kemi parasysh se një e treta e ushqimit që konsumohet në Ishujt Britanikë vjen nga Kontinenti Europian. 

Shumë supermarkete në Londër kanë paralajmëruar se raftet e tyre mund të boshatisen shpejt nëse nuk ka marrëveshje për Brexit.

Mungesa e ilaçeve është një tjetër kërcënim për britanikët pasi tre nga katër produktet farmaceutike që përdor Mbretëria e Bashkuar vijnë nga vendet evropiane.

Sipas një studimi të kryer nga Shërbimet Financiare të Kredisë Premium, e botuar në ‘The Guardian’, në Mbretërinë e Bashkuar një shtetas në pesë po furnizohet me rezerva dhe në të gjithë vendin janë përdorur 4 miliardë euro  për këtë qëllim.

Kufiri inteligjent

Ndërsa mosmarrëveshjet me Europën duket se nuk kanë kthim prapa, Franca ka nisur të stimulojë Brexit. Në portin e Calais, në Francën veriore, për të shmangur rradhët e gjata të kamionëve me mallra që nisen drejt Britanisë së Madhe, ministri përgjegjës për doganat ka njoftuar krijimin e një kufiri inteligjent.

“Kompanitë që do të eksportojnë në Britani, mund ta deklarojnë mallin e tyre përmes internetit, duke shmangur vonesat në kufi” – tha Ministri Francez i Financave Gérald Darmanin.

Kryeministri britanik Boris Johnson, pas ‘pezullimit’ të Parlamentit dhe ‘pikës’ së artë të fituar ndaj kundërshtarëve, fal vendimit të një gjyklate skoceze, tha se ‘dëshiron ta vendosë pa vonesë Brexit në rendin e ditës së BE. "Interesat e qytetarëve dhe bizneseve evropiane do të vazhdojnë të mbrohen, ashtu si edhe kushtet e paqes dhe stabilitetit në ishullin e Irlandës. Është përgjegjësia dhe detyra jonë”- tha Kryeministri Johnson

 

/r.k./Shqiptarja.com

TAG:
• Britania e Madhe
• Boris Johnson
• Dominic Raab
• the guardian
• Gérald Darmanin
• Calais
• Shërbimet Financiare të Kredisë Premium
• Jane Golding