TIRANË- Paraditen e sotme, ambientet e rinovuara të Akademisë së Sigurisë u vizituan nga brezi i parë i studentëve të arsimit të lartë policor, të diplomuar në institucionin elitë dhe të vetëm publik të formimit dhe edukimit të punonjësve të Policisë së Shtetit.
Pjesëmarrës në këtë takim nostalgjik, motivues dhe vlerësues ndaj rëndësisë së Akademisë së Policisë, si institucioni gjenerues i sigurisë dhe rendit publik, ishin Drejtori i Përgjithshëm i Policisë së Shtetit i caktuar në detyrë, Drejtues i Lartë Tonin Vocaj, Rektori i Akademisë së Sigurisë Drejtues i Lartë Ilirjan Mandro, ish-studentë të brezit të parë dhe studentë të Akademisë së Sigurisë.
Gjatë fjalës së tyre, Vocaj, Mandro dhe ish-studenti, Kodra, theksuan njëzëri rëndësinë dhe vlerën që ka pasur, ka dhe do të ketë, Akademia e Policisë në formimin profesional dhe njerëzor të brezave të Policisë së Shtetit. Gjithashtu, ata shprehën krenari për këtë takim midis brezash, për reformimin e Akademisë së Sigurisë dhe shndërrimin e saj në një institucion elitë të formimit dhe edukimit policor, e cila përdor kurrikulën, metodologjinë dhe praktikat më të mira të akademive homologe, në Europë dhe më gjerë.
Drejtor Vocaj, gjatë fjalës së tij, shprehu mirënjohje për ish-studentët e pranishëm, të cilët u rikthyen për ta vizituar Akademinë pas gjysmë shekulli kontribut në strukturat policore. Gjithashtu, Vocaj evidentoi reformat e ndërmarra për ristrukturimin e Akademisë së Sigurisë dhe shndërrimin e saj në një institucion të mirëfilltë europian, për edukimin dhe formimin profesional të brezave të ardhshëm të Policisë së Shtetit.
Ndërkaq, Rektori i Akademisë së Sigurisë Drejtues i Lartë Ilirjan Mandro shprehu mirënjohje dhe respekt të veçantë për plejadën e pedagogëve dhe studentëve që për 50 vjet me radhë, e shndërruan Akademinë e Sigurisë në institucionin publik kryesor që gjeneron rend dhe siguri publike në vend. Në vijim, Mandro theksoi nderin dhe privilegjin e veçantë të të qenit në krye të Akademisë së Sigurisë, sot, kur ky institucion kontribuon në edukimin e qindra studentëve ekselentë që do të lënë gjurmën e tyre në historinë e Policisë shqiptare.
Një moment të rëndësishëm të këtij takimi përbën edhe mesazhi që veterani i Policisë së Shtetit, Sali Kodra dha për studentët e pranishëm të Policisë së Shtetit. Kodra e këshilloi brezin e ri të punonjësve të Policisë që të mos mjaftohen me diplomën, por të jenë në kërkim të vazhdueshëm të dijeve dhe njohurive që do t’i aftësojnë më tej, për përmbushjen e misionit të shenjtë të Policisë së Shtetit. Gjithashtu, Kodra iu drejtua studentëve me mesazhin se ata duhet të udhëhiqen nga ligji, jo nga urdhri dhe se edhe kur ligjin ta kenë në anën e tyre, duhet ta kenë frikë e t’i ruhen atij.
Në vijim të takimit, ish-studentët e Akademisë u ulën në bankat e auditorëve ku ishin edukuar 50 vjet më parë, si dhe ambientet e Muzeut të Akademisë së Sigurisë.
Komente
Lajme të tjera
-
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Tonin Vocaj ikën nga posti i drejtorit të policisë së Tiranës, letër falenderimi efektivëve: Stabilizuam sigurinë në Krujë! Kultivimi i kanabisit gati inegzistent në Tiranë
14 Nëntor, 14:29 -
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
Panegjirizem i zellshem i çuçitDelinës për të përcjell mesazhin e koduar per shkarkimin e Gledis Nanajt....Çfarë SKUTHI I NEVERITSHEM bashke me vocin.
Përgjigju