POP 5

Lajmet më të lexuara të 5 minutave të fundit

Sport

Briken Calja shpallet kampion kombëtar, presidenti i peshëngritjes: Marrim medalje në Europian (VIDEO)

Peshëngritja pas një viti ndërprerje për shkak të pandemisë është rikthyer me kampionatin kombëtar ku shkëlqeu Briken Calja.

Është zhvilluar të shtunën kampionati kombëtar i peshëngritjes në qytetin e Durrësit pas një viti pa aktivitet për shkak të pandemisë. Ra në sy se pavarësisht ndërprerjes sportistët pjesmarrës treguan një formë shumë të mirë. Mbi të gjithë shkëlqeu Briken Calja, që u shpall kampion kombëtar, i cili vendosi dy rekorde kombëtare. 195 kilogramë në shtytje dhe 353 kilogramë në dygarësh. Në këtë mënyrë Calja përmirësoi edhe rekordet europiane me 3 kilogramë më shumë në shtytje dhe 6 më shumë në dygarësh. 

Për këtë aktivitet foli edhe presidenti i peshëngritjes Elez Gjozaj, i cili deklaroi se ishte i vështirë të organizohej për shkak të pandemisë.

Elez Gjozaj, president i peshëngritjes: “Vërtet ishte shumë e vështirë. Kemi marrë masa të rrepta përsa i përket COVID-it si në sallën e nxehmjes ashtu edhe në këtë të garave. Duhëj të bëhej një dallandryshe për të gjithë federatat dhe kjo dallandyshe rezultoi të ishim ne. Kemi dhe shumë aktivitete ndërkombëtare dhe kjo naq detyroi të bënin një garë për të parë formën e sportistëve tanë.”

Sipas Gjozajt ky aktivitet tregoi se sportistët shqiptare janë në formë shumë të mirë dhe në kampionatin europian që zhvillohet në prill do të fitohen medalje, diçka të cilën peshëngritja e ka bërë edhe më herët.

Elez Gjozaj, president i peshëngritjes: “Ky aktivitet do t’i shërbej kampionatit europian që zhvillohet në prill në Moskë. Sportistat tanë atje do thonë fjalën e tyre dhe absolutisht që do të kthehen me medalje dhe në një vit shumë të vështirë Shqipëria e meriton këtë.”

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25