Rreth 65 milionë britabnikë i janë drejtuar sot kutive të votimit për të zgjedhur 650 përfaqësuesit e tyre në Parlament dhe qeverinë e re. Sipas të gjtha projeksioneve Partia Laburiste shihet si favorite për të fituar zgjedhjet, duke i dhënë fund qëndrimit në pushtet të Konservatorëve të kryeministrit Rishi Sunak, që drejtojnë vendin nga viti 2010.
Pavarësisht nga epërsia në sondazhe, drejtues të laburistëve paralajmëruan që rezultati të mos merret si i mirëqenë, duke shprehur shqetësimin se mbështetësit e tyre do të qëndrojnë në shtëpi.
"Ndryshimi. Sot, ju mund të votoni për të", shkroi lideri i laburiatëve Keir Starmer, në platformën X.
Konservatorët kanë pranuar se laburistët duket se po shkojnë drejt fitores dhe u kanë kërkuar votuesve që të mos i japin partisë një "supershumicë". Në ditët e fundit të fushatës, kryeministri Sunak këmbënguli se "rezultati i këtyre zgjedhjeve nuk është një përfundim i mirëqenë”.
Por, në një mesazh për votuesit të mërkurën, kryeministri Sunak tha se "nëse duhen besuar anketat, vendi mund të zgjohet nesër me një supershumicë laburiste të gatshme për të përdorur fuqinë e tyre të pakontrolluar". Ai u kërkoi votuesve të mbështesin konservatorët për të kufizuar fuqinë e laburistëve.
Laburistët kanë fituar mbështetjen e një pjese të madhe të komunitetit të biznesit dhe përkrahjen nga gazetat tradicionalisht konservatore, duke përfshirë tabloidin Sun, pronë e Rupert Murdoch.
Në Britani ekziston një pakënaqësi e përhapur për një sërë çështjesh, që nga një sistem i rrënuar i kujdesit shëndetësor publik deri te infrastruktura e shkatërruar. Por për shumë votues, mungesa e besimit nuk vlen vetëm për konservatorët, por për politikanët në përgjithësi. Veterani i së djathtës, Nigel Farage, ka shfrytëzuar situatën duke tërhequr vëmendjen me retorikën e tij kundër imigracionit.Liberal Demokratët e qendrës dhe Partia e Gjelbër, synojnë gjithashtu votuesit e pakënaqur.
Dhe ndërsa priten ndryshime të brendshme, analistët pohojnë se një fitore e opozitës nuk pritet të nxisë ndryshime të rëndësishme në politikat britanike ndaj çështjeve madhore globale, si agresioni rus në Ukrainë, apo lufta në Lindjen e Mesme. Ndërkohë mediave u është ndaluar të raportojnë çdo gjë që mund të ndikojë tek votuesit gjatë hapjes së qendrave të votimit.
Komente
Lajme të tjera
-
Banka Botërore miraton mbi 2 miliardë dollarë për Ukrainën, mbështetet te asetet e ngrira ruse
20 Dhjetor, 10:11 -
Dosja e korrupsionit: Sali Berisha pagoi mbi 500 mijë euro në Londër për avokatët që t'i hiqnin 'non gratën'
11 Dhjetor, 22:24 -
Alban Daci: Lufta III Botërore?
23 Nëntor, 15:23
-
Bullgaria mban sot zgjedhjet parlamentare! Qendrat e votimit janë hapur dhe në Tiranë, Elbasan, Korçë e Kukës
27 Tetor, 10:59
-
Bullgaria mban sot zgjedhjet parlamentare
27 Tetor, 10:34 -
Britania do t’i japë Ukrainës 2.4 miliardë dollarë hua për blerje të armëve
22 Tetor, 13:45 -
Britania thërret takim urgjent në OKB për Gazën, shqyrton sanksionimin e ministrave izraelitë
16 Tetor, 16:58 -
I dënuar 2 herë nga Britania, Dorian Puka replikon me gazetarin e ‘The Telegraph’: Jam nivel tjetër, s'më intereson çfarë shkruan për mua
14 Tetor, 18:35 -
‘Kokainë dhe prostitucion'! ‘The Telegraph’: Si arritën bandat të dominojnë krimin e organizuar në Britani
12 Tetor, 12:27 -
Kryeministri Starmer: Konflikti në Lindjen e Mesme ka shkaktuar shkëndija edhe në Britani
6 Tetor, 14:28 -
Burgu i 'Ali Demit' do strehojë të burgosurit shqiptarë të dëbuar nga Britania, do funksionojë si burg i hapur
2 Tetor, 20:51 -
Britania dërgon personel dhe automjete në Kosovë për stërvitje me KFOR-in
25 Shtator, 12:25
65 million votues? Nuk e dija qe votonin edhe bebet ne UK! 47 million votues.
Përgjigju