Britania e Madhe do të mbyllë vaksinimin e popullsisë mbi 50 vjeç më 6 Maj, nga marsi nis “liria” dhe kthimi në normalitet

Qeveria britanike deklaroi se pret që të ketë vaksinuar të gjitha personat mbi 50 vjeç para 6 majit ndërsa kryeministri britanik e shikon një vendim të tillë si një pasaportë drejt lirisë.   Mbretëria e Bashkuar është vendi i parë në Evropë që ka ecur përpara me vaksinimin.  Qeveria britanike ka zbuluar sot se sipas ekspertëve vaksinimi i moshave të rrezikuara po përfundon. Kabineti ka konfirmuar se zgjedhjet në Angli do të mbahen në atë ditë, duke theksuar se qytetarët e vaksinuar do të kenë një arsye të shkojnë për të votuar me besim. 

Optimizmi po rritet me planin e vaksinimit në Britani dhe kryeministri Boris Johnson është në prag të hapjes së vendit, fillimisht për sportet në natyrë dhe rikthimin e fëmijëve në shkolla, të parashikuara për datën 8 Mars me shpresën se normaliteti do të  kthehet në prill dhe maj. 

Vaksinimi kundër COVID19 ka dhënë efektet e para pozitive në Britaninë e Madhe. Të dhënat e publikuara sot nga autoritetet shëndetësore britanike treguan se infektimet ranë me 40% në dy javët e fundit, një tjetër shenjë kjo se kriza po trajtohet.

 

TAG:
• Mbreteria e Bashkuar
• Koronavirus