Tridhjetë e nëntë persona, burra dhe gra, përfshirë një adoleshent, u gjetën të vdekur në një kamion në një park industrial në Essex.
Policia ka arrestuar me akuzën e vrasjes, drejtuesin e mjetit, një 25-vjeçar nga Irlanda Veriore. Policia e Essex ka sqaruar se për ngjarjen tragjike është njoftuar nga një telefonatë nga ambulanca e cila lajmëroi se një kamion i mbushur me njerëz qëndronte brenda parkut.
Shefi i Mbikëqyrësit të Essex, Andrew Marriner tha se automjeti mendohet se ka mbërritur nga Belgjika dhe hyri në Mbretërinë e Bashkuar nga Holyhead në Uells ditën e shtunë.
Ministria e Jashtme e Bullgarisë konfirmoi se kamioni është i regjistruar në qytetin bullgar Varna, në një kompani në emër të një gruaje nga Irlanda. Megjithatë, kryeministri bullgar, Boyko Borissov, tha se personat e gjetur të vdekur në kamion nuk kanë hyrë brenda kamionit në Bullgari, sepse automjeti nuk ka qenë atje që nga koha që është regjistruar në vitin 2017.
Ekspertët thonë se kontejneri duket të jetë frigorifer, që do të thotë se temperaturat mund të arrijnë -25 ° C. Shefi i Mbikëqyrjes së Policisë së Essex, Andreë Mariner tha se ky është një incident tragjik ku një numër i madh njerëzish kanë humbur jetën. "Kërkimet tona janë duke vazhduar për të vërtetuar atë që ka ndodhur. Ne jemi në proces të identifikimit të viktimave, megjithatë unë parashikoj që ky mund të jetë një proces i gjatë", tha ai.
Kryeministri Boris Johnson tha se ishte i trishtuar nga incidenti tragjik. “Po marr vazhdimisht informacione nga Ministria e Brendshme dhe po punojmë fort me Policinë e Eseksit për të zbardhur atë që ndodhi saktësisht. Mendimet e mia shkojnë për ata që humbën jetën dhe për të dashurit e tyre”, tha Johnson.
Policia nuk ka dhënë detaje mbi etninë e personave të vdekur, ose destinacionin përfundimtar të tyre.
Ndërkohë, Ministria e Jashtme e Bullgarisë ka deklaruar se Ambasada në Londër po bashkëpunon me autoritetet për ngjarjen, pasi kamioni besohet se ka mbërritur pikërisht nga shteti ballkanik.
Zona e Essex është populluar kryesisht nga emigrantë me prejardhje nga Bagladeshi, shtet në Azi, gjithsesi, autoritetet vendase nuk kanë dhënë asnjë detaj mbi shtetësinë e viktimave.
Parku industrial ku u gjend makina me trupat e vdekur ndodhet në një distancë të shkurtër nga Dartford Crossing, e cila lidh Essex me Kent.
Nuk është hera e parë që ndodhin tragjedi të tilla në Mbretërinë e Bashkuar. Në qershor të vitit 2000, u zbuluan kufomat e 58 migrantëve kinezë në Dover.
Vitet e fundit, shumë migrantë përpiqen të arrijnë Britaninë e Madhe të futur në kontejnerët e automjeteve ose anijeve. Me intensifikimin e kontrolleve nga ana e policisë britanike, udhëtimet e shpresës shpesh kalojnë nëpër Irlandë.
Personi i kamionit frigorifer, i arrestuar me akuzën e vrasjes quhet Mo Robinson, 25-vjeçar nga Irlanda e Veriut.
Ai dyshohet se e ka futur maunen në Britaninë e Madhe nëpërmjet Holihedit, në veri të Uellsit, që është një nga portet kryesorë
Udhëtimi vrastar kishte nisur që nga Bullgaria. 39 viktimat ende nuk janë identifikuar. Mendohet se të gjithë janë emigrantë.
Mendohet se vdekja e tyre ka ardhur si pasojë e të ftohtit dhe asfisksisë. Temperatura e frigoriferit të mjetit shkon në - 25 gradë celsius.
Komente
Lajme të tjera
-
Dosja e korrupsionit: Sali Berisha pagoi mbi 500 mijë euro në Londër për avokatët që t'i hiqnin 'non gratën'
11 Dhjetor, 22:24 -
Alban Daci: Lufta III Botërore?
23 Nëntor, 15:23
-
Britania do t’i japë Ukrainës 2.4 miliardë dollarë hua për blerje të armëve
22 Tetor, 13:45 -
Britania thërret takim urgjent në OKB për Gazën, shqyrton sanksionimin e ministrave izraelitë
16 Tetor, 16:58 -
I dënuar 2 herë nga Britania, Dorian Puka replikon me gazetarin e ‘The Telegraph’: Jam nivel tjetër, s'më intereson çfarë shkruan për mua
14 Tetor, 18:35 -
‘Kokainë dhe prostitucion'! ‘The Telegraph’: Si arritën bandat të dominojnë krimin e organizuar në Britani
12 Tetor, 12:27 -
Kryeministri Starmer: Konflikti në Lindjen e Mesme ka shkaktuar shkëndija edhe në Britani
6 Tetor, 14:28 -
Burgu i 'Ali Demit' do strehojë të burgosurit shqiptarë të dëbuar nga Britania, do funksionojë si burg i hapur
2 Tetor, 20:51 -
Taravari: Koha e shkurtër dhe qeveria e paqëndueshme në Bullgari, pengesa për ndryshimet kushtetuese në Maqedoninë e Veriut
29 Shtator, 07:47 -
Britania dërgon personel dhe automjete në Kosovë për stërvitje me KFOR-in
25 Shtator, 12:25 -
Ministri Hasani takon ambasadorin britanik Abbott: Lidhje të forta politike, bashkëpunim për mbrojtjen, sigurinë kibernetike, energjinë dhe nxitjen e investimeve
16 Shtator, 15:53 -
Rrëzohet avioni ushtarak në Bullgari, 2 të vdekur
13 Shtator, 21:17
Incidente tragjik me paramendim,se pari u marrin te hollat dhe me vone i dergojne te vdekur ne kufi. Europa duhet te jete me serioze ne kete drejtim. Rrjeti kriminal shtrihet nga Turqia e Greqia deri ne Angli permes shteteve te BE kete gje e dine sherbimet Sekrete te vendeve te ndryshme por nuk shprehen, heshtja eshte flori sidomos ne rastet per te populluar shtetet e ndryshme me grupe kriminale per te arritur qellimet politike.
PërgjigjuDo Zoti nuk jane shqiptare!!
Përgjigju