Tek ka folur për rolin që do të ketë Beogradi në dialogun për veriun e Kosovës, ambasadori i Mbretërisë së Bashkuar në Kosovë, Ian Cliff, ka thënë se mënyrën se si Beogradi do të paraqitet në këtë dialog, komuniteti ndërkombëtar do ta definojë në bashkëpunim me Qeverinë e Kosovës. Sipas tij, ekziston një pikë të paktën për të cilën duhet biseduar me Serbinë. Beogradi, sipas ambasadorit të Britanisë së Madhe, duhet t`i heqë strukturat paralele.
“Do ta definojmë në bashkëpunim me Qeverinë e Kosovës këtë çështje. Por ajo që duhet të ndodhë është se duhet të bisedojmë me Serbinë që t`i heqë strukturat ilegale të sigurisë në veri. Duhet ta heqë MUP-in nga veriu.
/rg/shqiptarja.com/