Brnabiç: Brukseli, Uashingtoni dhe Prishtina, nuk mund t'i shpëtojnë Asociacionit! Vuçiç tregoi vizion kur firmosi marrëveshjen

Kryeministrja e Serbisë, Ana Brnabiç tha se preisdenti serb, Aleksëndër Vuçiç tregoi vizion të qartë kur në 2013-ën kërkoi që në marrëveshje me Kosovën të përfshihej edhe formimi i Asociacionit të komunave me shumicë serbe.

Në një intervistë për mediat serbe, Brnabiç u shpreh se askush tjetër nuk e kuptoi rëndësinë e Asociacionit dhe të gjithë e nënshkruan asokohe, duke shtuar se tashmë as Brukseli, as Uashingtoni dhe as Prishtina nuk mund të shpëtojnë nga Asociacioni.

“Është aftësi politike e Aleksandër Vuçiç-it, 10 vjet më vonë shtiza po thyhet rreth Asociacionit që Vuçiç e futi në marrëveshje dhe në këtë mënyrë krijoi diçka që mbron Serbinë dhe popullin serb në Kosovë”, theksoi Brnabiç.

LEXO EDHE:
Ndihmëssekretari amerikan i Shtetit i kërkon Kosovës “përparim urgjent” për themelimin e Asociacionit

Së fundmi, pas takimit të Kurtit dhe Vuçiç në 27 shkurt në Bruksel, Kosova dhe Serbia nuk arritën një marrëveshje për normalizimin e marrëdhënieve por u ra dakord për pranimin e planit franko gjerman. Vuçiç nga ana tjetër ka kërkuar me këmbëngulje që Kosova të respektojë marrëveshjen e Asociacionit të firmosur vite më parë. Ndërsa Kosova është shprehur kundër një marrëveshje të tillë. Së fundmi edhe shqiptarët e Kosovës të cilët jetojnë në Zvicër janë ngritur në protestë kundër Asociacionit duke argumentuar se një marrëveshje e tillë, do të krijonte të njëjtën situatë si me Republikën Srpska në Bosnjë Hercegovinë. 

B.V/Shqiptarja.com

TAG:
• Asociacioni i komunave serbe
• ana brnabiç
• kosove
• serbi