POP 5

Lajmet më të lexuara të 5 minutave të fundit

Sport

Broja mahnit 'Premier League' dhe tërbon Conte-n, Milan pa mëshirë me Lazio-n! Në gjysmëfinale kundër Interit

Armando Broja ka mrekulluar edhe njëherë Premier League pasi shqiptari falë një goli dhe lojës spektakolare ka mposhtur me Southampton-in Tottenham-in e Antonio Conte-s. Ndërkohë Milan ka poshtëruar 4-0 Lazio në Kupën e Italisë dhe për rrjedhojë gjysmëfinalja i rezervon derbin me Interin.

‘Bomberi’ i kombëtares Armando Broja ka lënë sërish gjurmë në javën e 24 të Premier League, pasi 20-vjeçari ka realizuar një nga 3 golat në fitoren 2-3 që Southampton mori në Londër kundër Tottenham. ‘Terminatori’ kuqezi përveç rrjetës shkëlqeu edhe me lojën, ndërsa ishte protagonist në golin e dytë të Totenham pasi arbitri nuk dha faull për një ndërhyrje të rëndë ndaj tij.

Në përfundim të ndeshjes trajneri i Southampton Ralf Hasenhutl foli me superlative për Brojën, duke thënë ‘se sa vjen dhe bëhet më i mirë’. Nuk kanë munguar as reagimet e tifozëve të Chelsea-s që i kujtojnë klubit të tyre për të kthyer gjigandin shqiptar në Londër. Deri më tani Armando Broja ka realizuar 6 gola në Premier League, në atë që mund të quhet si sezoni i parë i tij në futbollin e madh.

Ndërkohë spektakël ka ofruar edhe futbolli italian, pasi 3 ditë pas derbit të fituar, Milan do përballet sërish me Interin, por këtë herë në një duel vajtje-ardhje për Kupën e Italisë. Kjo sepse Milan i Stefano Piolit eliminoi pa mëshirë Lazio-n në çerekfinale, duke fituar me rezultatin e thellë 4-0.

Ashtu si pak ditë më parë shkëlqeu sërish Oliver Giroud, i cili realizoi ‘dopietë’ ndërsa golat e tjerë u realizuan nga Leao dhe Kessie.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57