Bruksel, Thaçi dhe Daçiç flasin
për Telekomin dhe energjitikën

KOSOVE - Në raundin e 13-të të bisedimeve ndërmjet Kosovës dhe Serbisë, që mbahet sot në Bruksel mes dy kryeministrave Hashim Thaçi dhe Ivica Daçiç, autoritetet e BE-së pritet të prezantojnë draft- marrëveshjet për çështjet e Telekomit dhe Energjetikës.

Palët kanë afrime sidomos sa i përket çështjeve të energjetikës, por po tentojnë të vendosin në nivel kryeministrash për Telekomin, respektivisht Kodin Telefonik dhe licencimin e një operatori serb të telefonisë në Veri.

Çështje të tjera të cilat pritet të diskohen sot janë si ato të drejtësisë dhe sigurisë. Shefja e Politikës së Jashtme të Bashkimit Europian, Catherine Ashton, e cila është ndërmjetësuese e këtij takimi ka shfaqur shpresën se kryeministrat do të bëjnë hapa para në dialog dhe në zbatim të marrëveshjes së Brukselit.

Ky takim po zhvillohet në periudhën kur në Prishtinë qeveria e Kosovës po ballafaqohet me vështirësi në miratimin e projekt-ligjit për amnistinë, i cili buron nga marrëveshja për normalizim.

Shefja e Politikës së Jashtme të Bashkimit Europian, Catherine Ashton, e cila është ndërmjetësuese e procesit, ka shfaqur shpresën se kryeministrat do të bëjnë hapa para në dialog dhe në zbatim të marrëveshjes.

Zëdhënësja e përfaqësueses së lartë të BE-së, Maja Koçijançiç në prag të raundit të sotëm të dialogut ndërmjet kryeministrave Hashim Thaçi dhe Ivica Daçiç, ka thënë se ata të dy do të diskutojnë për të gjitha çështjet që lidhen me implementimin e marrëveshjes së Brukselit.

“Ju e dini që shumë çështje kanë mbetur të hapura në planin e implementimit. Do të shikohet çfarë është arritur deri tani në implementim, dhe hapat e ardhshëm që do të ndërmerren si dhe ndonjë çështje e hapur që ende është në tavolinën e bisedimeve. Takimi duhet të shihet në kontekstin e hapave për implementimin e marrëveshjes”, ka thënë Kocijançiç.

Redaksia online
(ar.sh/l.ç/shqiptarja.com)