/ATSH/-Banka Qendrore, parashikon renie të normave të interesit për të dyja monedhat lek dhe euro, në tremujorin e dytë të vitit 2015.
Pavarësisht 14 ndërhyrjeve që Banka e Shqipërisë ka vendosur për normën e interesit, reagimi te kreditë e dhëna nga bankat e nivelit të dytë është ndierë më së shumti te norma e interesit për kreditë e dhënë në lekë.
Ndërsa për kreditë e dhëna në euro dhe në dollar reagimi ka qenë në oshilacione dhe në ulje ngritje të shpeshta. Sipas BSH-së, në vitet e fundit, kreditimi i ekonomisë është orientuar më shumë drejt lekut ose nëmonedhën e të ardhurave, duke shmangur edhe rrezikun e kursit të këmbimit. Megjithatë, bën tëditur BSH, kredia në euro ende sot është më e lirë krahasuar me kredinë në lekë, të paktën në vlerat mesatare.
Sipas Bankës Qendrore, në fund tëvitit 2014 kredia në euro, për të gjitha maturitetet, jepej me një interes mesatar prej 6.2%, ndërsa për kredinë në lekë interesi mesatar ishte 8.2%. Sipas ekspertëve, kreditimi në euro është më i lirë, por në rastin kur të ardhurat e individit apo biznesit janë në monedhë tjetër, në marrjen e një kredie afatgjatë duhet vlerësuar gjithmonë rreziku i kursit të këmbimit. Zhvlerësimi i monedhës së të ardhurave mund të anullojë përfitimet nga diferencat në normat e interesit. Megjithëse kursi i këmbimit euro/lek në vitet e fundit ka qënë relativisht i qëndrueshëm, ekspertët këshillojnë që, rreziku i kursit të këmbimit të shmanget.