Janush Bugajski, nga Qendra për Studime Strategjike dhe Ndërkombëtare me seli në Uashington në një intervistë për Radion Evropa e Lirë tha se marrëveshja për përfaqësimin rajonal të Kosovës do ta sjellë Qeverinë e Kosovës në forumet ndërkombëtare, por anë negative e saj është fusnota e cila është potencialisht dëmtuese.

"Fusnota e vë në pikëpyetje statusin e Kosovës, meqë thotë se statusi final nuk është i paragjykuar, gjë që mund të nënkuptohet se është i pazgjidhur. Shoh probleme të ardhshme dhe nuk jam i befasuar me kundërshtimet në Prishtinë ndaj fusnotës" theksoi Bugajski.

/rg/shqiptarja.com/