POP 5

Lajmet më të lexuara të 5 minutave të fundit

Arkiva

Bujqësia degë parësore në zhvillimin ekonomik të Kosovës

PRISHTINË- Qeveria e Kosovës duhet të vendos në një pozitë më të favorshme bujqësinë, pasi ky sektor paraqet degë parësore në zhvillimin ekonomik të vendit, u theksua gjatë tryezës shkencore 'Ujitja në Kosovë', menaxhimi i ujërave për bujqësi të qëndrueshme, organizuar nga Akademia e Shkencave dhe Arteve të Kosovës..
Sipas KosovaPress, një nga organizatorët, Bashkim Kabashi, tha se "deri tani janë ndërtuar gjashtë rezervuare në Kosovë, por për të ardhmen, pasi duhet të realizohen sisteme të reja, e vetmja rrugëdalje është ndërtimi i 28 rezervuarëve të rinj".
Ai tha se prodhimtaria nga ujitja rritet për 3.4 herë më shumë e se në Kosovë, ekziston mundësia e rritjes së sipërfaqes bujqësore.
"Ne si maksimum të prodhimtarisë llogarisim vitin 1989-90, atëherë është arritur maksimumi i prodhimtarisë. Nëse qeveria e ardhshme nuk e vë në pozitë më të favorshme bujqësinë, ne do të humbasim edhe më tutje", theksoi Kabashi.
Kurse, referenti tjetër Ruzhdi Pllana, tha se bujqësia është degë parësore e zhvillimit të vendit.
"Vlerësohet se ujitja në Kosovë është ndër më të vjetrat në Ballkan", shtoi Pllana.
Kjo tryezë shkencore kishte për qëllim që përmes gjuhës së studiuesve, ekspertëve, Akademia e Shkencës dhe Arteve të artikulojë shqetësimet në lidhje me rolin dhe rëndësinë, e përdorimit të tokave, ujitjes dhe nevojave që shteti t'i japë prioritet bujqësisë, si themel i zhvillimit ekonomik.
Në këtë tryezë u trajtuan tema dhe probleme të ndryshme nga profesorë e ekspertë të njohur të bujqësisë, si karakteristikat agroklimatike dhe agrometeorologjike në zonat e ujitjes së tokës në Kosovë, ujitja dhe menaxhimi i ujërave sipas legjislacionit pozitiv në Republikën e Kosovës, kualifikimi i burimit ujor në ujitje, efekti i sasisë së reshjeve në përmbajtje minerale të disa lloj foragjereve në lokalitetin e Prishtinës./ATSH/

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sarandë/ Vrau burrin, dërgohet në spital psikiatrik 48-vjeçarja

26 Dhjetor, 14:15 nga Limos Didani