Buka e Pashkës përgatitet mëngjesin e Pashkës në pothuajse çdo familje të krishtere dhe duke qenë se ka një shije as të ëmbël, as të kripur, konsumohet për mëngjes, lyer me pak reçel ose edhe me djathë të bardhë.
Mund t’i jepen forma nga më të ndryshmet, që nga gërsheti e deri tek forma klasike e gjevrekut. E vetmja gjë me të cilën duhet të besh kujdes është ngjyruesi për vezët e Pashkës, i cili duhet të jetë patjetër ushqimor.
Përbërësit: 1/2 kg miell tip 00 5 vezë 100 gr gjalpë të shkrirë në mikrovalë 100 ml qumësht 150 gr sheqer 30 gr maja birre 3 vezë të ngjyrosura Pashke
Përgatitja: Fillimisht, shkrijmë majanë e birrës në pak ujë të ngrohtë duke shtuar më pas edhe qumështin e vakët. Shtojmë një lugë të vogël sheqer, gjysmën e miellit dhe i përziejmë mirë derisa të formohet një përbërje homogjene. Në këtë moment, brumi rezulton pak ngjitës në duar, por nuk është problem.
E lëmë të vijë të gjithë masën në një ambient të ngrohtë, larg korrenteve të ajrit (p.sh. në furrën e fikur) për rreth 2 orë apo derisa të dyfishojë vëllimin e saj. Në një enë të madhe, rrahim me ndihmën e një mikseri elektrik vezët me pjesën e mbetur të sheqerit, shtojmë gjalpin e shkrirë në mikrovalë dhe gjysmën tjetër të miellit.
Pasi të kenë kaluar dy orë dhe brumi të jetë fryrë, e bashkojmë me brumin e mësipërm me vezë duke i përzier sa më mirë me njeri-tjetrin në mënyrë që të formohet një masë e vetme, e cila duhet të rezultojë elastike dhe jo shumë e hollë (në këtë rast, shtojmë edhe pak miell).
E vendosim sërish për t’u fryrë edhe për 2 orë të tjera. Pasi ka kaluar kjo kohë, e ndajmë brumin në dy pjesë duke formuar dy rripa të gjatë të cilët i gërshetojmë midis tyre. Vendosim në mes vezët e kuqe të ziera, e transferojmë në tavën ku do ta gatuajmë të lyer paraprakisht me pak gjalpë dhe miell dhe e lëmë të vijë edhe për një orë tjetër. E pjekim në furrë të parangrohur në 180°C për rreth 30 minuta./unegatuaj.com
Lajme të tjera
-
Mish me xhinxhër dhe salcë soje nga Doreada Mio
29 Tetor, 11:21 -
Supë kungulli sipas amvisës korçare Dhurata Dino
28 Tetor, 11:53 -
Lakër e mbushur me qofte nga zonja Albana
18 Tetor, 11:38 -
Paçe koke nga zonja Albana
24 Shtator, 11:44 -
Speca me gjizë, mrekulli për shijen nga zonja Albana
20 Shtator, 11:46 -
Pispili me spinaq dhe kos nga zonja Albana
18 Shtator, 11:21 -
Fërgesë me speca dhe gjizë, receta më e shijshme e verës nga zonja Albana
3 Shtator, 09:16 -
Speca të mbushur me gjizë dhe erëza nga zonja Albana
1 Korrik, 11:48 -
Sot festohen Pashkët Ortodokse, uron politika! Rama: Gëzuar! Begaj: Të mbështesim njëri-tjetrin! Basha e Meta: Paqe e begati
5 Maj, 08:14 -
Të dielën Pashka Ortodokse, shqiptarët kthehen në atdhe për të festuar! Fluks në Kapshticë
3 Maj, 09:31 -
Krishti u ngjall! Besimtarët katolikë festojnë Pashkën! Apeli i presidentit Begaj: Të punojmë për një të ardhme më të mirë për fëmijët tanë
31 Mars, 07:05 -
Po i nënshtrohet terapisë ndaj kancerit, mbreti Charles do të marrë pjesë në kremtimin e Pashkëve të dielën
26 Mars, 16:20
