Receta

Bukë me presh dhe djathë të bardhë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 11 Mars 2022, 10:56 | Përditesimi: 11 Mars 2022, 10:57

Bukë me presh dhe djathë të bardhë

Përbërësit:

3 presh

LEXO EDHE:
Hallvë me arra nga zonja Albana

300 gr miell

150 gr djathë të bardhë

1 gotë ujë të vakët

1 dorë fara luledielli, susami dhe lini

Pak vaj ulliri

Kripë, piper

Përgatitja:

Lajmë mirë preshin, e presim imët dhe e skuqim në një tigan me pak vaj ulliri. E spërkasim me kripë dhe piper dhe pasi preshi të jetë zbutur e largojmë nga soba.

Vendosim miellin e situr në një tas. Krijojmë një hapësirë në qendër ku hedhim kripën dhe ujin e vakët. Fillojmë e punojmë mirë brumin dhe më pas shtojmë 1 lugë vaj ulliri dhe farat.

Tek preshi i skuqur thërrmojmë djathin e bardhë. E trazojmë dhe e vendosim në mes të brumit. E punojmë sërish mirë brumin me duar dhe e vendosim në një tavë duke i dhënë formën që dëshirojmë. E vendosim bukën me presh të piqet në furrë të parangrohur në temperaturën 180 gradë Celsius për 20 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com