Receta

Bukë misri me hirrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Nëntor, 11:41 | Përditesimi: 29 Nëntor, 11:42

Bukë misri e hirrëtuar

Përbërësit:

2 gota miell misri
3 gota hirrë
1 gotë qumësht
2 lugë gjalpë të tretur
Vaj ulliri për të lyer tepsinë

Përgatitja:

LEXO EDHE:
Kosla, qofte me miell misri në tavë kosi nga zonja Albana

Fillimisht vëmë hirrën të vlojë. Kur hirra ka arritur pikën e vlimit shtojmë gotën e qumështit. E kontrollojmë për kripë. Më pas me njërën dorë hedhim miellin e misrit duke e trazuar, me dorën tjetër e përziejmë me tel guzhine. Hidh e trazo derisa të trashet. Më pas shtojmë gjalpin e tretur dhe e përziejmë me lugën e drurit. E rrahim fort në tenxhere brumin derisa të bëhet i plotë, por as i fortë e as i butë. E lëmë të ftohet. Më pas e punojmë disa herë dhe në fund e shtypim duke i dhënë formën e bukës. Lyejmë tepsinë me vaj dhe shtrojmë brumin, e hapim pasi i kemi lyer duart me pak vaj. Më pas brumit i bëjmë disa dhëmbëzime me majën e pirunit dhe e vendosim drejt e në furrën e parangrohur në temperaturë 200 gradë Celsius.

MC/Shqiptarja.com

TAG: