Receta

Bukëvale e kripur me kulaç shtëpie nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 24 Prill, 11:45 | Përditesimi: 24 Prill, 11:46

Bukëvale e kripur me kulaç shtëpie

Përbërësit:

500 gr miell gruri
1 lugë kafeje kripë
125 ml vaj ulliri
1 litër e gjysmë ujë
300 gr djathë i bardhë i thërrmuar

Përgatitja:

LEXO EDHE:
Supë brokoli me patate nga zonja Albana

Në një enë të gjerë hedhim miellin, kripën dhe nisim e punojmë me duar duke shtuar ngadalë ujë të vakët derisa të krijohet një masë e butë. Brumin e kulaçit e vendosim në një tepsi të lyer me vaj ulliri dhe e vendosim të piqet në furrë derisa sipërfaqja të bëhet transparente. Pasi është pjekur dhe ftohur pak, kulaçin e thërrmojmë në copëza të vogla si ato të përsheshit. Ndërkohë, në një tenxhere shtojmë djathin dhe ujin dhe e lëmë derisa masa të vlojë mirë dhe të bëhet si masë e njëtrajtshme. Në këtë moment e heqim nga zjarri. Më pas, hedhim kulaçin e thërrmuar në tenxheren me masën e djathit të zbutur. Shtojmë sipër vaj ulliri, mbulojmë tenxheren me kapak dhe e lëmë që copëzat e kulaçit të përthithin shijen e kripur të djathit.

MC/Shqiptarja.com

TAG: