POP 5

Lajmet më të lexuara të 5 minutave të fundit

Arkiva

Bullgari, Parlamenti miratoi sot
dorëheqjen e Bojko Borisov

Parlamenti bullgar miratoi sot dorëheqjen e qeverisë së qendrës së djathtë të Boïko Borissov. Votimi u bë në mungesë të kryeministrit Borisov; u mbështet nga të gjitha partitë parlamentare dhe u miratua me 209 vota pro.
SOFIE- Parlamenti i Bullgarisë pranoi sot dorëheqjen e qeverisë së drejtuar nga kryeministri Bojko Borisov. Dorëheqja u miratua në mungesë të kryeministrit, u mbështet nga të gjitha partitë parlamentare dhe u miratua me 209 vota pro, 5 kundër dhe një abstenim.

Qeveria e Bullgarisë dha dje dorëheqje pas protestave të dhunshme mbarëkombëtare që vazhduan për disa ditë kundër CEZ dhe ngritjes së çmimit të energjisë. Protestat u kthyen edhe kundër qeverisë, ku demonstruesit akuzuan qeverinë për dështim në frenim të korrupsionin të përhapur dhe për të përmirësuar standardet e jetesës.

Kryeministri Bojko Borisov në një fjalim të tij dje (të mërkurën) në parlament tha se, qeveria e tij e qendrës së djathtë nuk dëshiron më shumë dhunë dhe i kërkoi dorëheqjen para parlamentit.

Pavarësisht dorëheqjes së qeverisë, protestat vazhduan edhe dje. Rreth një mijë kundërshtarë të kryeministrit si dhe disa qindra mbështetës të tij të mbledhur në qendër të qytetit, janë mbajtur larg nga policia të armatosur rëndë.

Dorëheqja i hap rrugën tashmë zgjedhjeve të parakohshme, që mund të mbahen në pranverë.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Përkeqësohet situata në qarkun e Korçës, vështirësi qarkullimi në Qafë Thanë dhe Ersekë, por s'ka rrugë të bllokuara! Probleme dhe me energjinë

Përkeqësohet situata në qarkun e Korçës, vështirësi qarkullimi në Qafë Thanë dhe Ersekë, por s'ka rrugë të bllokuara! Probleme dhe me energjinë

12 Janar, 19:36