POP 5

Lajmet më të lexuara të 5 minutave të fundit

Kronikë

Bulqizë/ Vdiq në punë, familjarët kërkojnë drejtësi për elektricistin 32-vjeçar: Të hetohet OSHEE për shkelje të rregullave

Një javë pas vdekjes së elektricistit Ylli Boba në Bulqizë, familjarët kërkojnë nga prokuroria e Dibrës të zbardhë ngjarjen dhe të hetojë OSHEE-në për shkelje të rregullave teknike në punë.

Disa ditë më parë, elektricisti Ylli Boba humbi jetën në krye të detyrës në fshatin Kovashicë të Bulqizës. Gjatë punës, 32 vjeçari ra në kontakt me energjinë elektrike dhe për pasojë mbeti i vdekur ne vend.

Familjarët e tij, në një deklaratë për mediat bënë thirrje për një hetim të plotë nga Prokuroria dhe policia e Dibrës për të zbardhur rrethanat e ngjarjes.

Ata pretendojnë se ka pasur shkelje të procedurave të sigurisë nga OSHEE-ja.

Erjola Lami e afërme e viktimës dhe njëherësh avokate tha se gjatë kohës që po punohej për riparimin e defektit nuk është bërë ndërprerë energjia elektrike.

"Ka pasur një goditje elektrike dhe ai ka qenë shkaku i vdekjes. Prokuroria dhe policia të hetojë lidhur me shkaktarët e aksidentit por edhe përgjegjësit për të përcaktuar nëse është respektuar procedura lidhur me urdhrin e punës që duhet të ishte procedura që duhej të bëhej brenda kabinës elektrike ku është bërë ndërhyrja".

Familjarët akuzojnë dhe Inspektoratin e Punës pasi nuk ka ushtruar kontrolle në lidhje me sigurimin teknik, kushtet e punës  dhe mungesën e mjeteve të punës në OSHEE. Avokatja shprehet se 32-vjeçari nuk ishte i specializuar për të bërë ndërhyrje në rrjetin 10 mijë volt të kabinave, por ishte i punësuar si mirëmbajtës.

"Vetëm për moszbatim të kritereve të punës duke filluar nga më elementarja,  nga paisjet, s'ka pasur dorezë. Sa ka vënë dorën në mur e ka kapur korrenti", shtoi një tjetër familjare.

Mesditën e 31 Janarit, policia njoftoi për vdekjen e punonjësit të OSHEE-së, Ylli Boba, duke cilësuar se është rrëzuar nga shkallët teksa riparonte një defekt në kabinën elektrike. Ndërsa familjarët pretendojnë të kundërtën. Sipas tyre shkak nuk është pakujdesia por shkelja e rregullave të punës nga Operatori i Shpërndarjes së Energjisë Elektrike.

B.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi