Përveç dhomave të udhëheqësve politikë të asaj kohe, si dhoma ku duhej të strehohej Enver Hoxha apo Mehmet Shehu në rastin e një sulmi antibërthamor, me mjaft kureshtje janë parë edhe objekte të ndryshme që përdoreshin rëndom në kohën e diktaturës e ruhen deri në ditët tona, si gotat, kolltukët, mobiliet, jorganët prej pambuku e atllasi të dizenjuar me qepje me dorë, etj. Një nga 106 dhomat më të vizituara është edhe “Muzeumi i Ndërlidhjes”. Kjo hapësirë i është dedikuar pikërisht komunikimit gjatë asaj periudhe ku aparaturat janë mjaft të përparuara për kohën.
Një slogan i regjimit komunist, por që edhe sot e kësaj dite, përdoret nga të gjithë ushtritë e botës është: “Pa ndërlidhje, nuk ka komandë dhe pa komandë, nuk ka fitore”. Një pjesë e bunkerit, që për arsye sekreti, edhe sot është e ndarë nga pjesa tjetër e tunelit, ishte e destinuar për impiantin e ndërlidhjes.
Në këtë dhomë janë ekspozuar disa nga aparatet origjinale të përdorura në vite nga ushtria shqiptare. Ato që duken më moderne ishin instaluar në repartin e ndërlidhjes së këtij bunkeri të inauguruar nga Enver Hoxha me 28 qershor të 1968.
Përpos veçantisë së kësaj dhome në korridoret jashtë saj ekspozohet një foto e ish-diktatorit Enver Hoxha, i cili foton e ka realizuar pikërisht në vendin ku është vendosur. Që prej datës 22 nëntor, kur është çelur, Bunk’Art, edhe ekspozita e 70-vjetorit të Çlirimit vijon të jetë mjaft e vizituar.
Ajo “studiohet” me vëmendje nga një fluks i lartë qytetarësh të të gjitha moshave, të cilët duket qartë se duan të njihen me ngjarje të panjohura të historisë së vendit tonë. Dokumentet origjinale të kësaj ekspozite janë zbuluar në Arkivin Qendror të Shtetit dhe në institucione të tjera drejtuese të vendit. Ekspozimi i tyre është kuruar nga historiania Sonila Boçi dhe gazetarja Admirina Peçi. Bunkeri i nëndheshëm 5-katësh u ka ofruar dje kënaqësi edhe të apasionuarëve pas instalacioneve artistike. Vizitorët të rinj e të moshuar, ndërkohë që preferojnë të shohin me vëmendje dokumente historike origjinale dhe objekte muzeale që tregojnë rreth periudhës së komunizmit.
Dhoma “Propagandë dhe dhunë”
Një hapësirë e veçantë për të treguar ndikimin e propagandës me anë të medias në periudhën e komunizmit i është dedikuar në bunkerin e nëndheshëm të komunizmit. “Propagandë dhe dhunë” është një nga 106 dhomat e Bunk’Art që tregojnë anën më të errët të historisë së popullit shqiptar. Për orë të tëra në ekranin e vetëm të asaj kohe RTSH, shfaqeshin reportazhe ku i thurnin elozhe partisë komuniste dhe arritjeve të saj jo të vërteta.
Bunkeri i nëndheshëm 5-katësh i kohës së komunizmit i pagëzuar me emrin “Bunk’Art, është një dëshmi për të risjellë në vëmendje një nga kohët më të errëta që kanë kaluar shqiptarët. I mbyllur prej 36 vitesh ky bunker tashmë është kthyer në një nga vendet më të vizituara që prej datës 22 nëntor kur është hapur për publikun.
Shkrimi u botua në Shqiptarja.com (print) në 5 Dhjetor 2014
Redaksia Online
(d.a/shqiptarja.com)
Lajme të tjera
-
Në Bunk’Art2 hapet 'Dhoma e Manipulimeve': Për herë të parë tregohet lidhja mes iluzioneve optike dhe propagandës komuniste
5 Gusht, 16:08 -
Intervista e fundit e Kadaresë për median ishte në Bunk'Art1 kur pa 'Gjeneralin e Ushtrisë së Vdekur': Më ndanë nga vepra brutalisht
1 Korrik, 09:28
-
VIDEOLAJM/ Miss Universe për herë të parë në Tiranë, viziton Bunk’Art 1
11 Maj, 20:09 -
Bunk’Art 2 atraksioni kryesor në qendër të Tiranës! Shikoni radhën e gjatë të turistëve të huaj, presin të hyjnë tek ish bunkeri antibërthamor i Ministrisë së Brendshme
28 Prill, 08:11 -
Parku Arkeologjik i Bylisit 250 vizitorë më shumë në 3 muaj, rruga e re lehtësoi vizitat! Turistja: U impresionova, vlera të rralla antikiteti
14 Prill, 16:18
-
'Shije' të historisë shqiptare përmes koktejeve në Nouvelle Vague në Tiranë që të çojnë drejt të shkuarës komuniste të dokumentuar në Bunk'Art
25 Janar, 21:04 -
Ismail Kadare, pas 40 vjetësh sheh për herë të parë 'Gjeneralin e Ushtrisë së Vdekur' në Bunk'Art 1! Rrëfimi emocionues i Kadaresë pas filmit: Ndalimi i tij u kalua në mënyrë brutale
17 Dhjetor 2023, 17:24 -
Bukuri, humanizëm dhe simbolika e bunkerizimit! Promovohet Kalendari i Miss Shqipërisë 2024, i riu Eno Millona ka nevojë për ndihmë për t’u kuruar
12 Dhjetor 2023, 14:02 -
Dëshmorët e Shqipërisë dhe rrugët e Tiranës së Lirisë !
16 Nëntor 2023, 14:25
-
Mbi 7.2 mln të huaj vizituan vendin tonë për 8 muaj, operatorja turistike: Zgjedhin edhe destinacionet historike, Bunk’Art 1 dhe Bunk’Art 2 më të preferuarat
1 Tetor 2023, 12:54 -
Java Britanike/ Premierë filmi i Hughes për Shqipërinë! Nga portet e lashta në Butrint e ‘Bunkart1, si e prezanton historiania vendin tonë në BBC: Mikpritja, si tha kryeministri juaj
5 Shtator 2023, 17:44
-
5.2 milionë të huaj hynë në Shqipëri në janar-korrik! Turistët nuk largohen pa vizituar Tiranën: I ofron të gjitha, do rikthehemi
25 Gusht 2023, 17:09
