TIRANE-Drejtoresha e Komitetit Shqiptar të Helsinkit, Erida Skëndaj në një lidhje me Skype në Report Tv me gazetaren Migena Sotiri u shpreh kundër ndryshimeve të Kodit Penal dhe kriminalizimit të shkeljes. Skëndaj deklaroi se masat administrative, pra gjobat po japin efekt, po ashtu numri i të prekurve është në ulje dhe në vijim qeveria parashikon lehtësimin e masave. Prandaj, vijoi më tej, juristja e Komitetit Shqiptar të Helsinkit Shqipëria nuk është në kushtet kur duhet të ashpërsojmë politikën penale.
"Në kushtet kur rrezikshmëria e përhapjes paraqet tendenca ulje dhe masat kanë dhënë efekt, nuk lind nevoja, nuk është e përshtatshme të bëhen ndryshim enë Kodin Penal. Vetë qeveria po propozon që një pjesë e shërbimeve të ketë lehtësira. Do të ishim pro nëse do të kishim përkeqësim të situatës, që nuk e shikojmë të tillë. Forma të tilla të kriminalizimit të parashikoheshin si kundravatje penale. Për faktin se sot po propozohet ulja e popullatës në burgje, pasi përbën rrezik të lartë.
Gjithashtu të rishikosh kodin tani kërkon konsultim të thelluar me ekspertët më të mirë të së drejtës penale dhe Kushtetuese. Ky konsultim nuk mund të realizohet. Amendamentet u bënë publike në datë 8, sot po diskutohet në komision. Por për të marrë mendimet më të mira kërkon konsultim të gjithanshëm. Kufizimet e të drejtave dhe lirive të shtetasve i lejojnë në mbrojtje të shëndetit, por nuk duhet të cënojnë thelbin. Cdo kufizim që vendoset nga shteti aq më tepër rishikimi i Kodit kërkon përshtatje me rrethanat.
Kushtet dhe rrethanat janë se numri i të infektuarve është në ulje, po respektohet karantina, prandaj nuk është e përshtatshme që me procedurë të përshpejtuar të bëhen këto ndryshime. Nuk duhet ta teprojmë me masat, duhet të jetë jo vetëm proporcionale por të respektojnë të drejtat e njeriut. Kam qenë në kontakte me organizata homologe. Ka një kategorizim për cështjet penale. Kemi shtete që në Kodet Penale kanë parashikuar si kundravajtje penale mos bindjen ndaj karantinës apo izolim e distancimin, por janë bërë në situatë të zakonshme dhe të jashtëzakonshme.
Ndërsa ata që kanë propozuar dënime penale, e kanë bërë më së pari se ka pasur një rritje të kurbës dhe më së dyti vetë këto shtete janë kritikuar nga organizatat e tyre të të drejtave të njërit. Nuk jemi në kushtet, sepse cdo ndryshim nuk mund të marrë ndryshime shabllon të vendeve të tjera. Pra, prevalon konteksti, ne nuk jemi në kushtet kur duhet të ashpërsojmë politikën penale, pasi masat administrative dhanë rezultat. Duhet të vazhdohet me distancimin fizik të qytetarëve, sidomos grupeve të riskuara. Nuk është e përshtatshme të kriminalizohet vepra penale" tha ajo.
Një nga pikat që pritet që të shtohet në Kodin Penal lidhet me dënimin me burg për personat që thyejnë karantinën dhe shkaktojnë vdekjen e personit që infektojnë. Por Skëndaj thotë se kjo pikë ndodhet në Kodin Penal. "Vrasja me dashje apo paramendim që kemi në kod nuk e konkretizojnë ardhjen e pasojës kur një person e kryen me dashje. Ne në Kod mund të rregullojmë disa nga situatat. Të zgjerohet në një moment të dytë, por si kundravajtje, jo me burg. Dënimi me burg është masa e fundit që duhet të zbatohet. Edhe njerëz që nuk janë të infektuar janë rrezik potencial për t'u penalizuar. Nuk është as imediate dhe as e justifikuar". Por a do ta dërgojnë në Kushtetuese nëse miraton ndryshimet? "Nuk është momenti për kundërshtimin e paketës në Kushtetuese. Edhe ne jemi fokusuar te grupet në nevojë, Kuvendi të reflektojë dhe ta shikojë në një moment të dytë".
Drejtoresha e Komitetit Shqiptar të Helsinkit, Erida Skëndaj u ndal edhe te situata në burgje duke kërkuar një amnisti të dytë për lirimin e personave që nuk janë me rrezikshmëri për shkak të situatës së krijuar nga COVID dhe faktit që në institucionet e vuajtjes së dënimit një mjek përgjigjet për 700 të dënuar. "Nuk kemi kontaktet që kemi pasur më parë për të marrë ankesat, por kemi ngritur si shqetësim që akti normativ për qëndrimin e përkohshëm në shtëpi, nuk përfshin një numër të gjerë dhe sugjerimi ynë ka qenë që ata që nuk paraqesin rrezikshmëri të kenë mundësi të përfitojnë dhe së dyti të rishikohen masa të tjera dhe të studiojnë mundësinë për një amnisti të dytë për ata që nuk paraqesin rrezikshmëri shoqërore. Burgjet kanë probleme në drejtim të personeli shëndetësor është një mjek për 700 persona. Këto masa janë propozuar autoriteteve" përfundoi Skëndaj.
Lajme të tjera
-
Nënë ‘surrogate’, propozimet për ndryshimet që mund të ndodhin në Kodin e ri Penal
7 Shkurt, 16:48 -
Drafti/ Nëse mban dy ose më shumë martesa burg deri në 4 vite
4 Shkurt, 22:10 -
Kërkohet ashpërsimi i Kodit Penal për abuzimi me të miturit, avokati: Mosha të rritet të bëhet 18 vjeç! Sociologia: Të edukojmë familjen
30 Janar, 14:40 -
Abuzimi i mjekut me 14-vjeçaren, ja propozimet e Qendrës për Mbrojtjen e Fëmijëve për ndryshimet e Kodit Penal
29 Janar, 16:35 -
Abuzimi i mjekut me 14 vjeçaren, kërkohet ashpërsim i Kodit Penal! PL: 15 vite burg për këdo që kryen marrëdhënie me të mitur nën 16 vjeç
29 Janar, 10:14 -
Në fillim të vitit 2024 hidhet për konsultim publik Kodi i ri Penal! Manja: Reforma në drejtësi, hapi më i madh i këtyre viteve
15 Dhjetor 2023, 19:43 -
Harta gjyqësore, Kushtetuesja mbyll marrjen e provave! Shkrirja e apeleve, avokatët e OJF-të përplasen me KLGJ-në
8 Dhjetor 2023, 16:09
-
A do ta heqë mazhoranca 'shpërdorimin e detyrës' si vepër penale? Ja si përgjigjet ministri!
17 Nëntor 2023, 10:50 -
Ndryshimet në Kodin Penal, eksperti: Të ishin konsultuar me ekspertë, s’ka logjikë që dënimi për armëmbajtje pa leje pranë shkollave të barazohet me vrasje
30 Tetor 2023, 15:00 -
Paketa e sigurisë/ 15 vite burg për shitje e drogës në shkolla dhe rekrutrimit të fëmijë për pornografi! Balla propozon ndryshime në Kodin Penal
24 Tetor 2023, 12:18 -
Ndryshimet në Kodin Penal/ Një ditë burg vlen 7 mijë lekë të rinj! Për vepra të lehta penale konvertohet me pagesë! Përjashtohen korrupsioni, trafikimi e dhuna në familje
21 Shtator 2023, 16:13
-
Tre vjet burg për parakalim të gabuar? Ekspertët kundër: Duhet ndërgjegjësim! Rrisni gjobën, bëjeni 500 mijë lekë
19 Shtator 2023, 18:49
