POP 5

Lajmet më të lexuara të 5 minutave të fundit

Sociale

Lajme nga emisionet

Bursa për degët prioritare, rektori i Universitetit Bujqësor: Ka paragjykime për këto profesione, por të sigurojnë vendin e punës! Diplomat njihen në të gjithë botën

Rektori i Universitetit Bujqësor, Fatbardh Sallaku i bëri thirrje të rinjve që të mos nisin jetën nga e para duke emigruar jashtë vendit për studime kur ka shumë mundësi në vendin tonë. Në një intervistë për Report Tv u shpreh se pritet që të shtohen numri i studentëve që aplikojnë për degët prioritare në një kohë kur hiqet edhe kriteri i mesatares 8.5.

Rektori i Universitetit Bujqësor, Fatbardh Sallaku i bëri thirrje të rinjve që të mos nisin jetën nga e para duke emigruar jashtë vendit për studime kur ka shumë mundësi në vendin tonë. Në një intervistë për Report Tv në emisionin ‘Studio Live’ me gazetarin Arbër Hitaj u shpreh se pritet që të shtohen numri i studentëve që aplikojnë për degët prioritare në një kohë kur hiqet edhe kriteri i mesatares 8.5.

Sallaku tha se ata që zgjedhin programe të domosdoshme marrin bursë sa paga minimale nga qeveria si dhe i garantojnë vetes vendin e punës. Megjithatë u shpreh se ka skepticizëm për këto degë.

“Çdo i ri që preferon të aplikojë për programet e studimit si agronomi, zootekni, peshkim, mbrojtje bimësh, inixhineri pyjesh, teknologji ushqimore, pra janë programe që janë të domosdoshme dhe kanë të garantuar vendin e punës. Çdo i ri që vendos të aplikojë për këto programe përfiton mbështetje financiare të barabartë me pagën minimale në Shqipëri plus nuk paguan tarifën e studimit. Ka skepticizëm për këto profesione se do të thotë të punosh në bujqësi, blegtori e ferma. Nëpërmjet këtyre masave, ajo që të rinjtë duhet të dinë është se Universiteti Bujqësor është në periudhën më të mirë”, tha Sallaku.

Po ashtu, rektori shtoi se diplomat e Univeristetit Bujqësor njihen në të gjithë botën dhe tani po punojnë që të merren diploma të njëjta me Universitetet europiane.

“Diplomat e Universitetit Bujqësor njihen në çdo cep të botës dhe veçse garantimit të njohjes në çdo Universitet, garantojnë punësim të suksesshëm e të sigurtë. Interesi i maturantëve s’ka qenë shumë i lartë.  Aktualisht kemi 5 diploma të përbashkëta me Universitetin e Viterbos në Itali. Po ashtu jemi në një marrëveshje të drejtpërdrejtë me Universitetin e Vienës dhe synojmë që në 4-5 vite të shndërrohet në të njëjtën me të. Pra të rinjtë s’kanë pse udhëtojnë nëpër botë kur mund të marrin 2 diploma këtu”, tha Sallaku.

Për sektorin e bujqësisë, Sallaku tha se studentët e degëve prioritare arrijnë të gjejnë vende pune deri në 3-4 javë pas diplomimit ndryshe nga ata që zgjedhin degë që i cilëson të tejmbushura si juridiku apo financa.

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Veliaj: Marrëdhënia me SPAK-un pro-aktive, në ditët në vijim do të dorëzoj vetë dosjen me informacione për të gjitha çështjet

Veliaj: Marrëdhënia me SPAK-un pro-aktive, në ditët në vijim do të dorëzoj vetë dosjen me informacione për të gjitha çështjet

27 Prill, 19:26