Ministri për Evropën dhe Punët e Jashtme Ditmir Bushati ka zhvilluar një takim këtë të enjte me homologun holandez Stef Blok, në kuadër të vizitës së tij zyrtare në Tiranë. Ministri holandez, në konferencën e përbashkët për mediat, shprehu mbështetjen e vendit të tij ndaj Shqipërisë në çeljen e negociatave me Bashkimin Evropian dhe cilësoi se përgjigjen përfundimtare do ta japë pas progreseve të shënuara në raportin e KE-së.
Ministri Bushati theksoi se partneriteti midis dy vendeve është një garanci për të pasur një bashkëpunim edhe më të madh dhe të gjithanshëm si në aspektin dypalësh, veçanërisht atë ekonomik dhe tregtar, ashtu edhe në kuadrin e negociatave të Shqipërisë me Bashkimin Evropian.
"Ne jemi besimplotë qe bashkëpunimin do ta forcojmë në të ardhmen për të përforcuar më tej imazhin e vendit tonë, për të komunikuar ecurinë e reformave që ndërmarrim edhe për opinionin publik në Hollandë, e për të bashkëpunuar sëbashku për të përmbushur detyrimet që do të plotësonin fillimin e bisedimeve të Shqipërisë me BE-në", u shpreh Bushati.
Ndërsa ministri holandez Stef Blok, teksa u shpreh i kënaqur për ndodhjen e tij në Tiranë, i vlerësoi reformat e ndërmarra në Shqipëri në sistemin gjyqësor, klimën e investimeve e në mbrojtjen e të drejtave të njeriut dhe u shpreh se Shqipëria duhet të vijojë të ndjekë këtë rrugë zhvillimi, nën synimin për të prekur idealin Europë.
Në kontekstin e negociatave, të cilat priten të hapen në qershor 2019, Blok u shpreh se pavarësisht se Holanda është e përkushtuar për ta ndihmuar Shqipërinë, do ta bëjë publik qëndrimin e tij në varësi të progresit që do të shënohet në raportin e KE-së.
"Fondet e BE-së përfshijnë edhe paratë e tatimpaguesve holandezë. Sa i takon qëndrimit holandez për negociatat, deklaratat janë të njëjta. Është i njëjti mesazh që u kam dhënë edhe vendeve aspiruese. BE është bashkimi i vlerave dhe sundimit i ligjit. Është mëse logjike që të përdor të njëjtat kritere dhe për shtetet anëtare aspiruese. Jemi të përkushtuar që të ndihmojmë Shqipërinë drejt BE-së” - u shpreh Blok.
Holanda vitin e kaluar ishte një nga tre shtetet skeptike përsa i takon hapjes së negociatave të Shqipërisë me Bashkimin Evropian.
Lajme të tjera
-
Asambleja e PS/ Rama: Unë dhe deputetët e vjetër garojmë në lista të hapura! PD merr më pak mandate se në '97! Ndryshon drejtuesit politikë në 7 qarqe! Zgjidhet kryesia e re! (EMRAT)
8 Shtator, 07:02 -
Spiralja e rrezikshme e përshkallëzimit
20 Prill, 11:58
-
Ditmir Bushati: Me mendjen akull, me zemrën zjarr!
28 Janar, 20:35
-
Bindja që më përforcoi 2023
8 Janar, 13:29
-
Sulmi në Veri të Kosovës, ish-ambasadori Gashi: Inteligjenca parandaloi një masakër! Bushati kundër konferencës: Serbia, prishësja e qetësisë së rajonit
25 Shtator 2023, 22:44 -
Eksperti i BE në podcastin e Ditmir Bushatit: Integrimi nuk është në dorën tuaj! Lufta në Ukrainë hapi mundësi për Ballkanin Perëndimor
9 Qershor 2023, 19:42 -
Ditmir Bushati: Diplomati që shënon një shekull
27 Maj 2023, 10:17
-
Ditmir Bushati: Midis vazhdimësisë dhe ndryshimit
6 Maj 2023, 10:33
-
Marrëveshja në Ohër, Bushati: Dokumenti të ishte më i detajuar, me afate konkrete! Pritet që 5 shtete të lëvizin drejt njohjes së Kosovës, do i hiqej gjylja Vuçiçit
20 Mars 2023, 21:34 -
Ditmir Bushati: Mes ideales dhe të mundshmes
10 Mars 2023, 07:05
-
Kosova e Serbia pro planit franko-gjerman, ish-ministri Bushati për Report Tv: Marrëveshja në favor të të dyja palëve! Përfundimi i konfliktit i shërben sigurisë rajonale
2 Mars 2023, 21:41 -
BE–Ballkan Perëndimor në kohë stuhie
22 Dhjetor 2022, 13:36
