POP 5

Lajmet më të lexuara të 5 minutave të fundit

Ekonomi

Buxheti 2014: 280 mln euro
për faturat e shtetit ndaj biznesit

Këshilli i Ministrave ka miratuar të shtunën pasdite projektbuxhetin e vitit 2014. Për herë të parë, në këtë buxhet përfshihet si një zë i veçantë pagesa e detyrimeve ndaj biznesit, në masën 39 miliardë lekë, nga i cili 12 miliardë lekë do të jenë detyrime të infrastrukturës dhe 22.8 miliardë lekë detyrime të tjera.
Buxheti 2014: 280 mln euro<br />për faturat e shtetit ndaj biznesit
TIRANË - Këshilli i Ministrave ka miratuar të shtunën pasdite projektbuxhetin e vitit 2014. Për herë të parë, në këtë buxhet përfshihet si një zë i veçantë pagesa e detyrimeve ndaj biznesit, në masën 39 miliardë lekë.

Sipas projektbuxhetit të përgatitur nga Ministria e Financave, totali i të ardhurave parashikohet të jetë rreth 364 miliardë lekë, me një rritje prej 13%, apo 42 miliardë lekë, në raport me buxhetin e rishikuar 2013. Totali i shpenzimeve buxhetore pritet të jetë 459.5 miliardë lekë, me një rritje prej 54 miliardë lekë, apo 13%.

Ndikimin kryesor në rritjen e shpenzimeve e ka parashikimi i një zëri të ri, ai i shlyerjes së detyrimeve të prapambetura me një vlerë prej 39 miliardë lekësh, nga i cili 12 miliardë lekë do të jenë detyrime të infrastrukturës dhe 22.8 miliardë lekë detyrime të tjera.

Buxheti parashikon një fond për pronarët. Buxheti i fondit për kompensimin në vlerë të pronarëve për vitin 2014 është 1.6 miliardë lekë, nga të cilat të ardhura të tjera 1.3 miliardë lekë dhe transferimet nga Buxheti i Shtetit 300 milionë lekë;
Shpenzimet e Buxhetit të Shtetit, sipas grupeve kryesore, janë: shpenzime korrente 269.2 miliardë lekë; investime 70.3 miliardë lekë.

Ndërkohë që fondi rezervë është 1.5 miliardë lekë, kontingjenca 3 miliardë lekë dhe fondi për rritjen e pagave dhe pensioneve 2 miliardë lekë. Për herë të parë, në fondet rezervë përfshihet edhe zëri i detyrimeve të prapambetura në shifrën 39 miliarde lekë.

Numri i përgjithshëm i punonjësve në organikë është 86.500 punonjës.

(Për më tepër lexoni sot në gazetën "Shqiptarja.com" print)

Redaksia Online
(mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04