Në vijim të prezantimit të projektbuxhetit për vitin 2024 me qytetarë dhe grupe interesi, kryetari i Bashkisë së Tiranës, Erion Veliaj, tha se sot buxheti për kryeqytetin është 10 herë më i madh se sa në vitin 2015.
Ai nënvizoi se Tirana është një qytet më i zhvilluar, më i sigurt, e për rrjedhojë numri I turistëve që e vizitojnë çdo vit është shtuar ndjeshëm.
“Kemi ardhur në një situatë ku turizmi është një nga burimet kryesore të të ardhurave. Në vitin 2015 turizmi nuk sillte as 1% të të ardhurave të Tiranës. Njësoj edhe me teknologjinë e informacionit. Sot diskutojmë që, tek Piramida, 4000 çuna e goca kalojnë çdo muaj për të mësuar zanatet e së ardhmes. Zanatet e së ardhmes nuk do jenë më fasoneria, këpucë edhe këmisha. Punët e së ardhmes janë të gjitha digjitale. Po ashtu, jetojmë në një Tiranë ku është rritur vlera e pronës. Ajo rritet kur një qytet ka më shumë rregull, pastërti, aktivitete, por edhe shumë të huaj. A e dini se rreth 1100 apartamente në Tiranë janë blerë nga ukrainasit, që erdhën për të kaluar ditët e vështira të Luftës këtu? Unë besoj se vlera e pronës është diçka që e kanë prekur të gjithë”, tha Veliaj.
Kreu i Bashkisë shtoi se fokusi i këtij buxheti do jetë te njerëzit dhe krijimi i lehtësirave për ta.
“E kemi për detyrë të tregojmë se si do t’i shpenzojmë paratë, ashtu si një kryefamiljar ka detyrim te familja e tij të tregojë si shpenzohet rroga dhe ku do të shkojnë shpenzimet e familjes. Ne i qëndrojmë besnikë parimeve që kemi ndjekur çdo vit, në këto 8 vite, dhe do të vazhdojmë diskutimet e buxhetit me të njëjtin zell, me të njëjtën transparencë dhe Sigurisht, me të njëjtën dëshirë për t’u vetëkorrigjuar dhe për të bërë disa punë më mirë”, u shpreh Veliaj.
Mandej, ai tha se ndihet mirë kur kushdo që vjen në Tiranë thotë vetëm fjalë të mira dhe shprehen se tashmë kryeqyteti shqiptar merret si shembull jo vetëm në rajon, por edhe më gjerë.
Politikat sociale do të vijojnë të jenë në vëmendje të buxhetit të vitit të ardhshëm të Bashkisë së Tiranës. Duke e quajtur një prej buxheteve më të mëdha në 8 vitet e fundit, me një 10-fishim në shifra, kryebashkiaku Erion Veliaj, në dëgjesën e radhës për projektbuxhetin e vitit 2024, ka listuar disa prej sektorëve më të ndjeshëm socialë, ku do të fokusohen investimet.
“Mund të them me krenari se janë trajtuar me kredi të butë 3.651 familje, çifte të reja, që kanë blerë apartamentin e tyre dhe jetojnë në Tiranë. Për bonusin e strehimit, jemi ndoshta i vetmi qytet që e bëjmë, ndërkohë janë trajtuar në total 2307 familje, të cilave Bashkia e Tiranës u paguan qiranë e shtëpisë, në pamundësi që ata ta mbulojnë vetë me çmimet e tregut. Tirana sot po merret shembull edhe nga shumë qytete të tjera për faktin sesi duhen menaxhuar emergjencat dhe jam vërtet krenar që kemi gjetur zgjidhjen më dinjitoze për 3.337 familje të mbetura pa strehë nga tërmeti, të cilat kanë përfituar po ashtu nga bonusi i qirasë. Vetëm në Unazën e Madhe ne kemi 282 familje që kanë përfituar nga ky program dhe dua t’i falënderoj për bashkëpunimin dhe për faktin që nuk janë politizuar”, u shpreh Veliaj.
Ai tha se bashkia do të vijojë edhe vitin që vjen programin e banesave sociale. “Kemi 385 familje që jetojnë në banesat sociale në Shkozë. Duam që me këtë buxhet të ndërtojmë banesa sociale të tjera, të shpërndara nëpër qytet. Këtë vit kemi piketuar një hapësirë aty ku do të vendoset Poli i Drejtësisë, ku duam të ndërtojmë një kompleks tjetër të banesave sociale. Po ashtu, kemi edhe një hapësirë në Shkozë dhe në vendin ku ndahemi me Kamzën në Kodër-Kamëz, për t’u siguruar që të akomodojmë njerëz në lagje të ndryshme, por pa i zhvendosur nga komuniteti ku tashmë janë”, tha Veliaj.
Sipas tij, përveç 8 qendrave sociale që janë aktualisht në Tiranë, vitin e ardhshëm do të hapen edhe dy qendra të tjera në zona rurale. “Kemi 8 qendra sociale që u shërbejnë 1600 individëve. Fakti që qendrat sociale tona janë kthyer në model dhe vijnë shumë bashki të rajonit për të parë si bëhet shërbimi, më inkurajon që të vijojmë edhe në Zallherr dhe në Vaqarr; pra të shkojmë përtej Tiranës urbane”, vijoi ai.
Veliaj foli edhe për vijimësinë e bonusit social, ndihmës ekonomike, shportën e bebes dhe mbështetjen për personat me aftësi të kufizuara. “Për 2800 familje do të vazhdojmë të japim bonusin social. Dua të vazhdojmë edhe me shportën e bebes. Ndërkohë, kemi 24.205 persona me aftësi të kufizuara dhe me ndihmë ekonomike, që përfitojnë shërbime të Bashkisë së Tiranës. Po ashtu, kemi disa programe të nxitjes së punësimit, sidomos për të rinjtë dhe të rejat. Ne duam që tek Piramida, nga 1 janari, ta çojmë zero tarifën e TUMO-s, që çdo çun dhe çdo gocë, pavarësisht gjendjes ekonomike në familje, të mësojë punët digjitale dhe aftësimin digjital. Kemi 25.100 familje që kanë përfituar nga programi i rindërtimit dhe vendimmarrja që kemi marrë është se deri në Vitin e Ri, të gjithë njerëzit që kanë këstin e fundit ta marrin, të mbyllin të gjitha riparimet e shtëpive, DS1/DS2/DS3/DS4, për ta mbyllur përfundimisht historinë me tërmetin”, u shpreh ai.
Në fund, kryetari i Bashkisë tha se do të vijohet edhe me Fondin e Komunitetit, duke mbështetur edhe më shumë ato familje që nuk kanë mundësi financiare, në mënyrë që të shtohet numri i pallateve të vjetra me ashensor dhe veshje me kapot.
Komente
Lajme të tjera
-
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
Akti normativ/ 501 mln lekë u kthehen profesionistëve të lirë! Ministri Malaj: Brenda datës 31 dhjetor 2024 përfundon procesi i rimbursimit
27 Nëntor, 11:04
-
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Mero Baze: 700 cuba që duan t’u imponohen 700 mijë qytetarëve
26 Nëntor, 21:21
-
Protesta e PD-së, Kreshnik Çollaku për Report Tv: Ia arritëm qëllimit! Ja 3 rrugët për 'Qeverinë Teknike'
26 Nëntor, 19:42 -
DINAMIKA/ Çfarë dimë deri më tani për vrasjen e Martin Canit? Ende mungon ekspertiza e vdekjes! Shoku i autorit dërgohet në vendin e ngjarjes, tregon si nisi sherri
26 Nëntor, 18:19 -
Ekskluzive/ Një grusht militantësh në protestë, Report Tv sjell pamjet me dron! Ja pjesëmarrja në rrugën e Elbasanit dhe Bashkia e Tiranës
26 Nëntor, 17:21
Si jeni qytet /model/ per zgjidhjen e problemit te strehimit,duke ngritur pallate e kulla e betonizuar me keq Tiranen?!
PërgjigjuO Demagog!..hap rrugë e trotuare me standardet,e bëj parqe të gjelbër!
Përgjigju