‘Drejtësia’, 300 mln lekë shtesë për institutin e të miturve! Manja: Po punojmë për Amnistinë Penale! Sula: S’është zgjidhje! Të rishikohet Kodi Penal

70 % e fondit të buxhetit të ministrisë së Drejtësisë, shkojnë për sistemin e burgjeve. Kështu deklaroi ministri i Drejtësisë Ulsi Manja gjatë diskutimit të buxhetit në komisionin e Ligjeve. Ai tha se burgjet shqiptare nuk janë të mbipopulluara, ndërsa theksoi se një grup pune po punon për hartimin e amnistisë penale për të dënuarit për vepra të lehta penale. Por deputeti i opozitës Dashnor Sula tha se amnistia nuk është zgjidhje.

Ulsi Manja: Për amnisti penale, po shohim edhe vendimet që kanë dhënë gjykatat për grarë e të miturit, dhe për disa shtresa të tjera. Por kur ta kemi gati do të propozojmë, por rezervojmë ta themi afatins e kur do ndodhë. Ka nevojë të ketë amnisti penale, kemi nr të madhtë burgosurish për vepra të lehta, kryesisht hashash, dhe janë  mosha 14-21 vjec. Duhet t’u japim mundësi që të lirohen dhe të rehabilitohen. Edhe për gratë që nuk janë dënuar për vepra të rënda penale, do të shohim të jenë pjesë e amnistisë.

Dashnor Sula: Duhet të reflektojmë, të ndryshojmë kodin penal, për ata të rinj që kapen me një gram hashash apo kokainë, dhe fillojnë enden burgjeve. Kemi burgje me 6-8 persona në një dhomë burgu, në Peqin.

LEXO EDHE:
'87 milionë euro nga BE nëse plotësojmë detyrat e 2025!' Manja: Mbyllim kapitujt në 2028! Procesi më tej politik

Ulsi Manja: Kemi ngritur një grup pune dhe shpresojmë të kemi kodijn e ri penal, ku do reflektohen problematikat e vërejtura. Kodi aktual që në 1995 është ndërhyrë 35-039 herë. Amnistia është akt human.

Ministri Manja tha se pas mbylljes së 4 burgjeve në 2024 parashikohet të mbyllet edhe institucioni i vuajtjes së dënimit në Tepelenë, por nëse do miratohet fondi për ndërtimin e burgut në Kardhiq. Një nga kërkesat kryesore që ai adresoi për fonde shtesë në buxhet ishte për ngritjen e institutit të miturve në Mëzez.

Ulsi Manja: Shumë 300 milionë lekë për institutin e të miturve në Mëzez, do të hapen me 20 %, kemi një fond 100 milionë lekë. Shkon në total 2.4 mln lekë; 36 milionë lekë për sistemin Albis, që menaxhon cështje përmbarimore, të përfshijmë edhe sistemin përmbarimor të organizuar në baza private.  150 mln lekë për digjitalizimin e QPZ. fillon zbatimi I hartës së re gjyqësore, të hapim zyrat juridike për shtresat vulnerabël. Kemi kërkuar 14 punonjës, na kanë miratuar 10. E kërkojmë të plotë këtë shifër sepse  nuk ka ndikim të madh në  buxhet.

Sa i takon dëmshpërbilimit të të përndjekurve politikë dhe fondit për kompensimin e ish pronarëve, Manja replikoi me deputeten e opozitës Dhurata Çupi që e quajti procesin të ngadaltë dhe fondet të paplota.    

Ulsi Manja: Për agjencinë e pronave 3.5 mld për kompensimin financiar për efekt të legalizimeve, fond për kompensimin e ish pronarëve 5 mld. Ky fond kalon pas ndryshimeve të ligjit për kthimin e kompensimit të pronave.

Dhurata Çupi: Problem është që të përndjekurit nuk plotësojnë dokumentat. Ju si minisgtri e Drejtësisë duhet të ndihmoni të aksesoni këtë shtresë, dhe të mos e penalizojmë. Keni thënë që do përmbyllet në 2030, nuk përmbushet me këtë ritëm. Për ish pronarët thoni se fond është 5 mld lekë, por ata nuk kanë marrë asnjë lekë. Pse e thoni shifrën për t’u tallur?

Ulsi Manja: Ne shqyrtojmë kërkesat e ish të përndjekurve, dhe shohim nëse plotësojmë kriteret ligjore për të përfituar. Ministria e Financave ekzekuton më pas dhe ata kanë të dhëna për këstet e ish të përndjekurve. Janë 3600-3700 kërkesa që ne nuk mund t’i trajtojmë se janë dorëzuar jashtë afatit ligjor për të përfituar dëmshpërblimin financiar. Kjo vonese edhe me mbledhjen e dokumentacionit financiar.

Në Komisionin e Ligjeve, edhe Inspektorati i Lartë i Drejtësisë kërkoi fonde shtesë gati 56 mln lekë, për pjesën më të madhe të të cilave mori miratimin edhe nga ministria e financave për disa zëra. Ndërsa Instituti i Studimeve për krimet e komunizmit, ripërsëriti kërkesën për miratimin e fondit për shtesë punonjësish.   

Rendit zhvillimet sipas orarit:

Të Fundit Të Parat

K.T.//Shqiptarja.com

TAG:
• ULSI MANJA