Zakonisht muajt e verës shquhen për rënie të ritmit të arkëtimit të të ardhurave buxhetore. Por, është i njohur edhe një fakt tjetër: vetë hartuesit e buxhetit të shtetit e mbajnë parasysh një gjë të tillë, duke caktuar shifra më të ulta relativisht, krahasuar psh me fundin e vitit.

Ajo që duhet të bëjë të shqetësohen zyrtarët e ministrisë së Financave është se gjatë muajit korrik ka një mosrealizim të shifrave të planifikuara, pavarësisht se si 7-mujor zërat rezultojnë kryesisht me realizime apo tejkalime.