Ekonomi

Buxheti për 2019, Fatos Çoçoli në Report Tv: Të hapen vende të reja pune, politika fiskale stimulon me pikatore

Gjatë bisedës në studion e Report Tv, eksperti i Ekonomisë ka folur mbi të rejat në buxhetin e miratuar ditën e sotme në Kuvend, duke u ndalur gjatë tek koncesionet me PPP, tatimin e pagave dhe sistemin e taksës së sheshtë.

Redaksia 3 Dhjetor 2018, 18:33 | Përditesimi: 3 Dhjetor 2018, 19:48

TIRANË- I ftuar në studion e Report Tv për në folur lidhur me miratimin e buxhetit për vitin 2019 (SHIKO KËTU) ishte eksperti i Ekonomisë, Fatos Çoçoli. Gjatë bisedës në studio, Çoçoli u shpreh se duhet të hapen vende të reja punësh pasi stimulimi nga ana e politikës lë shumë për të dëshiruar.

Politika fiskale jep një stimul me pikatore. Në këtë rast unë mendoj se duhet të bëjmë shumë kujdes me administrimin e të ardhurave.

Fatos Çoçoli, ekspert ekonomie

Eksperti i Ekonomosë ka komentuar edhe koncesionet me PPP, që vitin e ardhshëm pritet të arrijnë shifrën e 46%.

LEXO EDHE:
Fatos Çoçoli: Viti i pagave dhe pensioneve

“Opozita i quan korruptive. Por unë nuk jam me shikimin bardhë e zi. Do të ishte një haraki që të bllokoheshin koncesonet. Por duhen parë me kujdes pasi PPP mund të kthehen të dështuara. P.sh. për check-upin ka rënë numri i njërëzve që e kryejnë këtë shërbim por detyrimet e shtetit nuk janë zbehur ndaj kompanisë. Mosbëjra mirë e një kontrate na sjell shumë humbje. FMN-ja, Banka Botërore dhe Ambasada Amerikane, u ngjirën duke na thënë që të mos bëjmë oferta të pakërkuara. U ngjirën! Tani ne i pranojmë por janë para në buxhetin e shtetit. Për mua këto veprime janë aventureske,”-shprehet Çoçoli.

Sa i përket takimit të pagave, Çoçoli u shpreh se sipas tij, duhet të kthehmi tek sistemi i taksës së sheshtë.

Kemi goditur brezin e shtresës së mesme me heqjen e taksës së sheshtë. Duhet kthyer! Të kthehet nga 15%, në 10% por ka edhe mënyra të tjera që të ndihmohet ekonomia.

Fatos Çoçoli, ekspert ekonomie