POP 5

Lajmet më të lexuara të 5 minutave të fundit

Ekonomi

Manja kërkon më shumë buxhet për drejtësinë në 2024: Duhen para për përkthyes, janë trefishuar letërporositë! Duam të ndërtojmë burgun e grave

Ministri i Drejtësisë shprehu pakënaqësi për buxhetin e dikasterit për vitin 2024 duke kërkuar shtesë fondesh për përkthyesit si pasojë e trefishimit të letërporosive që shkëmbehen me autoritetet e huaja. Në komisionin e ligjeve Ulsi Manja kërkoi një shtesë 1.3 miliardë lekë mbi planin edhe për shkak të nevojës së rikonstruksionit në disa burgje përfshirë edhe atë të grave.

TIRANE - Ministri i Drejtësisë Ulsi Manja kërkoi një shtesë prej 1.3 miliardë lekë në Komisionin e Ligjeve gjatë diskutimeve për buxhetin e vitit 2024 për dikasterin e tij edhe pse fondet e akorduara janë 1.7 miliardë lekë më shumë se viti i kaluar. Shkak për këtë kërkesë u bë nevoja për fonde për pagesat e përkthyesve pasi është trefishuar numri i dosjeve që shkëmbehen me autoritetet e drejtësisë jashtë vendit.

“Gama e volumit të letër porosive në vitin 2023 në raport me vitin 2022 pothuajse është trefishuar dhe ne e kemi të pamundur nëse nuk na shtohet kjo sasi modeste parash për përkthimet e kemi të pamundur t’ju përgjigjemi nevojave dhe kërkesave që kanë organet e hetimit, sa i takon ndihmës juridike në fushën penale, kryesisht përmes letër porosive por edhe bashkëpunimet që kjo prokurori ka”, tha Manja.

Paratë shtesë Drejtësia i kërkoi edhe për rikonstruksione të nevojshme në disa burgje. Në planet e dikasterit është edhe ndërtimi i një burgu të ri për gratë, pasi godina aktuale në lagjen “Ali Demi” në Tiranë nuk plotëson standardet. Manja tha se nuk është dakordësuar për dërgimin e të dënuarave në burgun e Pjoskës në Pogradec për shkak të largësisë.

“Ai institucion sot nuk plotëson asnjë standard për të garantuar të drejtat dhe trajtimin e grave të dënuara dhe të paraburgosura. Na është ofruar dhe na është propozuar që përkohësisht gratë e dënuara të lëvizin në institucionin e ri të Pjoskës në Pogradec. Duam të gjejmë një zgjidhje afatgjatë, të përhershme, me ndërtimin e një burgu të ri dhe kjo është arsyeja pse ne kemi kërkuar një sasi lakësh për studime dhe projektime.”- tha Manja.

Pjesë e investimeve që janë planifikuar në buxhetin 2024 është rikonstruksioni i Institutit të Mjekësisë Ligjore, i cili sipas Manjës më në fund do të jetë dinjitoz.

"120 milionë lekë në Institutin e Mjekësisë Ligjore për ndërtimin e dhomës frigoriferike dhe blerjen e pajisjeve përkatëse për të pasur një shërbim modern, 80 milionë lekë shkojnë për laboratorin e toksikologjisë në IML."- u shreh Manja.

Në Komisionin e Ligjeve raportuan për projektbuxhetin edhe ILDKPKI, Gjykata Kushtetuese, Komisionerët Publik dhe Presidenca. Kjo e fundit ka në plan rikonstruksion të godinës, e cila nuk është bërë që prej 15 vitesh.

Kërkesat për shtim në buxhetet e tyre respektive do të analizohen edhe një herë nga ministria e Financave, për të rakorduar në javët në vijim nëse ekziston mundësia të shtohen në vlerat e përgjithshme.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ndergjegja: 08/11/2023 20:18

    O manja ka noj remelala anej ortëëëjjj...

    Përgjigju
  • Sondazhi i ditës:

    A respektohen të drejtat e punëtorëve në Shqipëri?

Lajme të tjera



×

Lajmi i fundit

Koha për të rregulluar problemet e së shkuarës...çfarë thonë yjet për ju sot

Koha për të rregulluar problemet e së shkuarës...çfarë thonë yjet për ju sot

3 Maj, 07:03