POP 5

Lajmet më të lexuara të 5 minutave të fundit

Ekonomi

Buxheti, "Tokë e djegur" defiçiti
rritet 30 %, të ardhurat -7.2%

Qeveria Berisha ka qenë dorëshpuar, me një shifër 9.2% më të lartë se në 2012. Deficiti për 8 muajt, kur ishte në pushtet qeveria Berisha, është 29 për qind më i lartë se vjet.
Mbërrin ekipi i FMN, për auditimin e financave
Buxheti, rritet 30 %, të ardhurat -7.2%">
TIRANË - Kreu i ri i Financave Shkëlqim Cani ka marrë në dorëzim një situatë të rënduar financiare. Shifrat e fundit të realizimit të buxhetit të shtetit për muajt janar-gusht të këtij viti, të hartuara nga specialistët e ministrisë, që ka lënë “në trashëgim” Ridvan Bode dhe qeveria ‘Berisha’, flasin më së miri për këtë.

Sipas këtyre shifrave, të ardhurat për tetë muaj janë 3.8 për qind më të ulta se një vit më parë, ndërkohë që janë 7.2 për qind më të ulta se planifikimi i fillimvitit. Tatimi mbi Vlerën e Shtuar llogarit një mosrealizim në masën 12.3 për qind ndaj planit dhe 8.2 për qind më pak se një vit më parë në të njejtën periudhë. Ndërkohë, të ardhurat nga pushteti vendor kanë qenë edhe më të ulta, 14% më pak se plani.

Në të njejtën kohë, qeveria ka qenë dorëshpuar në shpenzime, me një shifër 9.2 për qind më të lartë se një vit më parë.

Si rezultat, deficiti për tetë muajt, gjatë të cilëve ishte në pushtet qeveria Berisha, është 29 për qind më i lartë se vjet dhe 15.5 për qind më i lartë se sa pnafikohej për këtë periudhë në ligjin për buxhetin e shtetit 2013.

Gjendja aktuale e buxhetit do të jetë në qendër të bisedimeve mes administratës së re fiskale dhe ekspertëve të Fondit Monetar Ndërkombëtar dhe Bankës Botërore, të “zbarkuar” tashmë në Tiranë për të kaluar në skaner ekonominë shqiptare, para se të vendoset për asistencën e re financiare dhe teknike për qeverinë Rama.

Në kushtet kur të ardhurat në buxhet deri tani janë 16 miliardë lekë më pak se plani dhe të ardhurat janë vetëm 9 miliardë lekë më pak nga plani, çka ka sjellë rritjen e borxhit tej parashikimeve, qeveria e re e ka të pashmangshme rishikimin e buxhetit 2013, që pritet të jetë një nga veprimet e para të ministrit të ri të Financave.

Deficiti buxhetor në fund të 8-mujorit arriti në 53 miliardë lekë, sipas të dhënave të ministrisë së Financave, duke qenë më shumë sesa dyfishi i të njëjtës periudhë të vitit të kaluar, duke iu afruar kufirit të rishikuar të buxhetit vjetor, të rishikuar edhe me të ardhurat e privatizimeve, të cilat parashikohet në 61 miliardë lekë, ndërkohë që parashikimi fillestar kishte qenë 49 miliardë lekë.
buxheti toke e djegur
(Në foto: Të dhënat e burxhetit )

Lajmi u perditesua
Shkrimi u publikua sot (20.09.2013) në gazetën Shqiptarja.com (print)

Redaksia online
(ac/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça