ZVICËR - U hodh shorti i Champions League për çiftet e 1/16 në Nion të Zvicrës. Arsenal-Bajern Mynih dhe Mançester Siti-Barcelona janë dy përballjet spektakolare që shorti i Ligës së Kampionëve na ofroi për raundin e 1/16.

Kampionët e Bajernit duhet të nisin mbrojtjen e titullit përballë një ekipi të fortë dhe kjo mund të konsiderohet si finalja e parakohshme e kompeticionit.

Nuk është treguar aspak bujar shorti edhe me Barcelonën që ka përballë një ekip të fortë dhe të konsoliduar si Mançester Siti që do të bëjë gjithccka për të kaluar raundin.

Ndeshjet e tjera sigurisht që ofrojnë spektakël dhe emocione të forta, por mungojnë përplasjet e mëdha si ato më sipër.

Goglat janë treguar shumë bujare me Milanin të cilat i kanë vënë përballë Atletikon e Madridit. Sigurisht që ky ishte kundërshtari më i lehtë në letër për kuqezinjtë, sepse fusha do të tregojë të vërtetën.
 
  
Çiftet për 1/16

Manchester City-Barcelona
Olympiacos-Manchester United
Milan-Atletico Madrid
Bayern Leverkusen-PSG
Galatasaray-Chelsea
Schalke-Real Madrid
Zenit-Dortmund
Arsenal-Bayern


(v.gj/shqiptarja.com)